India vs Australia: दुसऱ्या T20 मध्ये पावसाचा अडथळा? काय आहेत तिरुवनंतपुरममधील हवामान अंदाज, घ्या जाणून

IND vs AUS: भारत विरुद्ध ऑस्ट्रेलिया यांच्यातील दुसरा सामना तिरुवनंतपुरममध्ये रंगणार असून तेथे रविवारी कसे वातावरण असणार आहे, जाणून घ्या.
Team India
Team IndiaBCCI

India vs Australia, 2nd T20I Match at Thiruvananthapuram, Weather Updates:

भारत विरुद्ध ऑस्ट्रेलिया संघात 23 नोव्हेंबरपासून पाच सामन्यांची टी20 मालिका सुरू झाली आहे. या मालिकेतील दुसरा सामना तिरुवनंतपुरममधील ग्रीनफिल्ड आंतरराष्ट्रीय स्टेडियमवर रविवारी (26 नोव्हेंबर) होणार आहे. हा सामना भारतीय प्रमाणवेळेनुसार संध्याकाळी 7 वाजता चालू होणार आहे.

दरम्यान, सध्या भारतातील अनेक राज्यात पावसाचे अंदाज आहेत, त्यामुळे या सामन्यादरम्यानही पावसाचा अडथळा येणार का असा प्रश्न अनेक क्रिकेट चाहत्यांना पडला आहे.

पावसाचा अंदाज असलेल्या राज्यांमध्ये केरळचाही समावेश आहे. त्यामुळे रविवारी होणाऱ्या सामन्यावरही पावसाची टांगती तलवार आहे.

Team India
IND vs AUS: सूर्यकुमारच्या नेतृत्वात भारताने T20 मध्ये रचला नवा विश्वविक्रम; द. आफ्रिकेला पछाडलं

दरम्यान, AccuWeather च्या रिपोर्टनुसार रविवारी तिरुवनंतपुरममध्ये पावसाची शक्यता आहे. मात्र, पाऊस दुपारी होणार आहे. तसेच नंतर संध्याकाळ ५ नंतर ढगाळ वातावरण राहण्याची शक्यता आहे, पण पावसाची शक्यता संध्याकाळी खूप कमी आहे. त्याचमुळे हा सामना होण्याची शक्यता आहे. याशिवाय ढगाळ वातावरणामुळे गोलंदाजांना मदतही मिळण्याची शक्यता आहे.

भारताला आघाडी घेण्याची संधी

या मालिकेतील पहिला सामना विशाखापट्टणमला झाला होता. त्या सामन्यात भारताने 209 धावांचे आव्हान यशस्वीरित्या पूर्ण केले होते आणि 2 विकेट्सने विजय मिळवला होता.

या मालिकेतील पहिला सामना जिंकला असल्याने भारतीय संघ 5 सामन्यांच्या मालिकेत 1-0 अशा फरकाने आघाडीवर आहे.

त्यामुळे आता दुसरा सामना जिंकून मालिकेतील आघाडी आणखी भक्कम करण्याची संधी भारताकडे असणार आहे. तसेच मॅथ्यू वेडच्या नेतृत्वातील ऑस्ट्रेलिया संघ दुसरा सामना जिंकून मालिकेत बरोबरी करण्याचा प्रयत्न करेल.

Team India
IND vs AUS: इतिहास रचण्यापासून SKY एक पाऊल दूर; अशी कामगिरी करणारा ठरणार पहिला भारतीय!

असे आहेत दोन्ही संघ -

  • भारतीय संघ - सूर्यकुमार यादव (कर्णधार), ऋतुराज गायकवाड (उपकर्णधार), इशान किशन, यशस्वी जयस्वाल, तिलक वर्मा, रिंकू सिंह, जितेश शर्मा (यष्टीरक्षक), वॉशिंग्टन सुंदर, अक्षर पटेल, शिवम दुबे, रवी बिश्नोई, अर्शदीप सिंग, प्रसिद्ध कृष्णा, आवेश खान आणि मुकेश कुमार.

    (श्रेयस अय्यर शेवटच्या दोन सामन्यात उपकर्णधार असेल.)

  • ऑस्ट्रेलिया संघ - मॅथ्यू वेड (कर्णधार), ऍरॉन हार्डी, जेसन बेऱ्हेनडॉर्फ, सीन ऍबॉट, टीम डेव्हिड, नॅथन एलिस, ट्रेविस हेडस जोश इंग्लिस, ग्लेन मॅक्सवेल, तन्वीर संघा, मॅथ्यू शॉर्ट, स्टीव्ह स्मिथ, मार्कस स्टॉयनिस, केन रिचर्डसन, ऍडम झम्पा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com