भारत आणि ऑस्ट्रेलिया यांच्यात आज T20 विश्वचषकापूर्वीचा सराव सामना पार पडला. ब्रिस्बेनच्या गाबा मैदानावर झालेल्या या सामन्यात भारताने सहा धावा राखून ऑस्ट्रेलियाचा पराजय केला. अखेरच्या षटकात भारतानं विजय ऑस्ट्रेलियाकडून खेचून आणला. या विजयाचा शिल्पकार ठरला तो म्हणजे सामन्यात नसणारा मोहम्मद शमी. शमी अखेरचे षटक टाकण्यासाठी आला आणि विजयाचा शिल्पकार ठरला.
दिल्यानंतर अखेरच्या चारही चेंडूत गडी बाद केले. यातील एक विकेट रनआऊट असल्यानं शमीची हॅट्रीक हुकली पण त्यानं केलेल्या कमाल कामगिरीची चर्चा सर्वत्र सुरु आहे. नाणेफेक जिंकत ऑस्ट्रेलियानं प्रथम गोलंदाजी करण्याचा निर्णय घेतला. प्रथम फलंदाजी करताना सलामीवीर केएल आणि रोहितनं चांगली सुरुवात केली. 15 धावा करुन कर्णधार रोहित बाद झाला. त्यानंतर आलेल्या कोहली देखील 15 धावा करुन तंबूत परतला. केएल राहुल आणि सूर्या दोघांनी अर्धशतकं झळकावत अनुक्रमे 57 आणि 50 धावा केल्या. दिनेश कार्तिकने 20 धावांची खेळी करत भारताची धावसंख्या 186 पर्यंत पोहोचवली.
भारताने विजयासाठी दिलेल्या 187 धावांचा पाठलाग करण्यासाठी मैदानात आलेल्या ऑस्ट्रेलियाच्या सलामीवीर मिचेल मार्श आणि आरॉन फिंच यांनी चांगली सुरुवात केली. 35 धावा करुन मार्श बाद झाला. फिंचने 54 चेंडूत 76 धावा केल्या पण, त्यानंतर कुणालाही चांगली कामगिरी करता आली नाही.
भारताकडून सर्वाधिक तीन बळी शमीने घेतले, भुवनेश्वर कुमार दोन, सिंह, पटेल आणि चहल यांनी प्रत्येकी एक गडी बाद केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
