WI vs IND, 4th T20I: भारत आणि वेस्ट इंडिज यांच्यात चौथा टी-20 सामना खेळला जात आहे. या सामन्यात टीम इंडियाने प्रथम गोलंदाजी केली. यादरम्यान टीम इंडियाचा स्टार अष्टपैलू खेळाडू अक्षर पटेलच्या नावावर एक लाजिरवाण्या विक्रमाची नोंद झाली.
खरे तर, या सामन्यात वेस्ट इंडिजकडून काईल मेयर्स आणि ब्रँडन किंग सलामीला आले होते. त्याचवेळी, कर्णधार हार्दिक पांड्याने पहिल्याच षटकात अक्षर पटेलला गोलंदाजीसाठी बोलावले. या षटकात अक्षरच्या नावावर हा विक्रम नोंदवला गेला.
दरम्यान, वेस्ट इंडिजविरुद्धच्या पहिल्याच षटकात अक्षर पटेलने 14 धावा दिल्या. यासह, तो T20 आंतरराष्ट्रीय सामन्यात पहिल्या षटकात सर्वाधिक धावा देणाऱ्या भारतीय गोलंदाजांच्या यादीत चौथ्या क्रमांकावर पोहोचला आहे.
टीम इंडियाचा (Team India) स्टार गोलंदाज भुवनेश्वर कुमारही या यादीत चौथ्या स्थानावर आहे. त्याने दोनदा पहिल्या षटकात 14 धावा दिल्या आहेत.
या सामन्यात अक्षर गोलंदाजीमध्ये चमकला नाही. त्याने या सामन्यात 4 षटकात 39 धावा देत केवळ एकच विकेट मिळवली. वेस्ट इंडिजने टीम इंडियाला 179 धावांचे लक्ष्य दिले आहे.
भारत (India) आणि वेस्ट इंडिज यांच्यातील चौथा T20 सामना अमेरिकेतील सेंट्रल ब्रॉवर्ड रिजनल पार्क फ्लोरिडा येथे खेळवला जात आहे. या सामन्यात वेस्ट इंडिज संघाने नाणेफेक जिंकून फलंदाजीचा निर्णय घेतला.
प्रथम फलंदाजी करताना त्यांनी 8 गडी गमावून 178 धावा केल्या. टीम इंडियाला हा सामना कोणत्याही परिस्थिती जिंकावाच लागणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.