Cooch Behar Trophy: कूचबिहार करंडक (19 वर्षांखालील) स्पर्धेत पंजाबने तीन अर्धशतकांच्या बळावर गोव्याविरुद्धच्या सामन्यात पहिल्या दिवसाअखेर भक्कम स्थिती गाठली. अ गटातील चार दिवसीय सामन्याला शुक्रवारी पतियाळा येथील ध्रुव पांडोव क्रिकेट स्टेडियमवर सुरवात झाली.
पंजाबने नाणेफेक जिंकून प्रथम फलंदाजी स्वीकारली, मात्र त्यांचा डाव 4 बाद 78 असा गडगडला. मात्र नंतर राहुल कुमार (66), क्रिश भगत (55) व अर्जुन राजपूत (नाबाद 77) यांच्या अर्धशतकामुळे पहिल्या दिवशी खेळ थांबला तेव्हा यजमान संघाने 7 बाद 316 धावा केल्या.
दरम्यान, राहुल आणि क्रिश यांनी पाचव्या विकेटसाठी 76 धावांची भागीदारी करुन पंजाबला दीडशतकी टप्पा गाठून दिला. नंतर अर्जुन आणि कर्णधार क्रिश यांच्यातील सहाव्या विकेटची 100 धावांची भागीदारी पंजाबसाठी महत्त्वपूर्ण ठरली. नंतर सातव्या विकेटसाठी अर्जुन याने उदय कक्कर (35) याच्यासमवेत 62 धावांची भागीदारी केल्यामुळे पंजाबने त्रिशतकी धावसंख्या ओलांडली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.