प्रेक्षकांच्या अनुपस्थितीत भारत विरुद्ध दक्षिण आफ्रिका सामने होणार

कोविड-19 संसर्गाच्या धोक्यामुळे भारत विरुद्ध दक्षिण आफ्रिका ही आगामी क्रिकेट मालिका प्रेक्षकांशिवाय खेळवली जाईल, असे क्रिकेट (Cricket) दक्षिण आफ्रिका (CSA) ने सोमवारी सांगितले. तीन कसोटी सामन्यांच्या मालिकेला रविवारपासून सेंच्युरियनमध्ये सुरुवात होईल. पुढे
19 जानेवारीपासून या संघांमध्ये तीन एकदिवसीय सामने खेळले जाणार आहेत.

दक्षिण आफ्रिकेच्या (South Africa) बोर्डाने एका निवेदनात म्हटले आहे की, बंद दरवाजाआड खेळण्याचा निर्णय भारतीय क्रिकेट बोर्ड (BCCI) सोबत संयुक्तपणे घेण्यात आला आहे. हा निर्णय खेळाच्या सर्वोत्कृष्ट हितासाठी तसेच खेळाडू आणि कर्मचाऱ्यांचे आरोग्य आणि सुरक्षितता लक्षात घेऊन घेण्यात आला आहे. मागील आठवड्यात दक्षिण आफ्रिकेत मोठ्या प्रमाणात लोक कोरोना बाधित झाले आहेत.