Women's T20 World Cup: दक्षिण आफ्रिकेत पुढील वर्षी होणाऱ्या महिला टी-20 विश्वचषकाचे वेळापत्रक आयसीसीने जाहीर केले आहे. भारतीय संघ या स्पर्धेतील पहिला सामना 12 फेब्रुवारीला पाकिस्तानविरुद्ध केपटाऊनमध्ये खेळणार आहे. या स्पर्धेत एकूण 10 संघ सहभागी होणार आहेत.
दरम्यान, ICC महिला T20 विश्वचषकाच्या आठव्या एडिशनला 10 फेब्रुवारी 2023 पासून सुरुवात होणार असून पहिल्या दिवशी यजमान दक्षिण आफ्रिकेचा (South Africa) सामना श्रीलंकेशी होणार आहे. स्पर्धेचे सामने पारल आणि गेबेरा येथे खेळवले जातील तर केपटाऊनमध्ये बाद फेरीचे सामने खेळवले जातील.
दुसरीकडे, 26 फेब्रुवारी 2023 रोजी अंतिम सामना खेळवला जाईल. फायनलसाठी 27 फेब्रुवारी हा वेगळा राखीव दिवस ठेवण्यात आला आहे. या स्पर्धेत भारताला (India) पाकिस्तान, इंग्लंड, वेस्ट इंडिज आणि आयर्लंडसह गट 2 मध्ये ठेवण्यात आले आहे, तर गट 1 मध्ये गतविजेत्या ऑस्ट्रेलिया (Australia), न्यूझीलंड, दक्षिण आफ्रिका, श्रीलंका आणि बांगलादेश (Bangladesh) यांचा समावेश आहे. या गटातील सामने 21 फेब्रुवारीपर्यंत खेळवले जातील. प्रत्येक संघ त्यांच्या गटातील उर्वरित चार संघांविरुद्ध एक सामना खेळेल. यानंतर दोन्ही गटातील अव्वल दोन संघ उपांत्य फेरीत प्रवेश करतील.
महिला T20 विश्वचषक 2023 मध्ये भारतीय संघाविरुद्ध:
12 फेब्रुवारी - भारत विरुद्ध पाकिस्तान - केपटाऊन,
15 फेब्रुवारी - भारत विरुद्ध वेस्ट इंडिज - केपटाऊन,
18 फेब्रुवारी - भारत विरुद्ध इंग्लंड - गाकेबेरा
20 फेब्रुवारी - भारत विरुद्ध आयर्लंड - गाकेबेरा
23 फेब्रुवारी - उपांत्य फेरी 1- केपटाऊन
24 फेब्रुवारी - राखीव दिवस - केपटाऊन
24 फेब्रुवारी - उपांत्य फेरी 2- केपटाऊन
25 फेब्रुवारी - राखीव दिवस - केपटाऊन
26 फेब्रुवारी - अंतिम - केपटाऊन
27 फेब्रुवारी - रिझर्व्ह डे केपटाऊन
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
