ICC U19 Men’s Cricket World Cup Winners and Runner Up teams list
रविवारी (11 फेब्रुवारी) दक्षिण आफ्रिकेतील बेनोनीमधील विलोमूर पार्क येथे 19 वर्षांखालील वर्ल्डकप 2024 स्पर्धेचा अंतिम सामना पार पडला. या सामन्यात भारत आणि ऑस्ट्रेलिया या देशांचे युवा संघ आमने-सामने होते.
या अंतिम सामन्यात ऑस्ट्रेलिया संघाने 79 धावांनी विजय मिळवत विजेतेपदाला गवसणी घातली. ऑस्ट्रेलियाने चौथ्यांदा 19 वर्षांखालील वर्ल्डकपवर नाव कोरले आहे.
ऑस्ट्रेलियाने 2024 पूर्वी 1988, 2002 आणि 2010 साली 19 वर्षांखालील वर्ल्डकप जिंकला आहे. तसेच ऑस्ट्रेलियाने या स्पर्धेत 2012 आणि 2018 साली उपविजेतेपदावर समाधान मानावे लागले होते. विशेष म्हणजे या दोन्हीवेळी अंतिम सामन्यात भारताने ऑस्ट्रेलियाला पराभूत केले होते.
यंदाचे 19 वर्षांखालील वर्ल्डकप स्पर्धेचे 15 वे पर्व होते. आत्तापर्यंत झालेल्या 15 पर्वात सर्वाधिक विजेतेपद जिंकण्याचा विक्रम भारतीय संघाच्या नावावर असून त्यांनी 2000, 2008, 2012, 2018 आणि 2022 या वर्षी झालेल्या 19 वर्षांखालील वर्ल्डकपचे विजेतेपद जिंकले आहे. तसेच भारताने 2024 पूर्वी 2006, 2016 आणि 2020 साली उपविजेतेपदावर समाधान मानले आहे.
1988:
विजेता - ऑस्ट्रेलिया , उपविजेता - पाकिस्तान
1998:
विजेता - इंग्लंड , उपविजेता - न्यूझीलंड
2000:
विजेता - भारत, उपविजेता - श्रीलंका
2002:
विजेता - ऑस्ट्रेलिया, उपविजेता - दक्षिण आफ्रिका
2004:
विजेता - पाकिस्तान, उपविजेता - वेस्ट इंडिज
2006:
विजेता - पाकिस्तान, उपविजेता - भारत
2008:
विजेता - भारत, उपविजेता - दक्षिण आफ्रिका
2010:
विजेता - ऑस्ट्रेलिया, उपविजेता - पाकिस्तान
2012:
विजेता - भारत, उपविजेता - ऑस्ट्रेलिया
2014:
विजेता - दक्षिण आफ्रिका, उपविजेता - पाकिस्तान
2016:
विजेता - वेस्ट इंडिज, उपविजेता - भारत
2018:
विजेता - भारत, उपविजेता - ऑस्ट्रेलिया
2020:
विजेता - बांगलादेश, उपविजेता - भारत
2022:
विजेता - भारत, उपविजेता - इंग्लंड
2024:
विजेता - ऑस्ट्रेलिया, उपविजेता - भारत
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.