ICC ODI Ranking: पाकिस्तानच्या 'या' स्टार फलंदाजाची शानदार कामगिरी, शुभमन गिलला सोडले मागे; जाणून घ्या टॉप-10

ICC ODI Ranking: आयसीसी मेन्स ODI फलंदाजांची क्रमवारी जाहीर झाली आहे. टॉप-4 मध्ये 3 पाकिस्तानी फलंदाजांनी स्थान मिळवले आहे.
Imam Ul Haq
Imam Ul Haq Dainik Gomantak

ICC ODI Ranking: आयसीसी मेन्स ODI फलंदाजांची क्रमवारी जाहीर झाली आहे. टॉप-4 मध्ये 3 पाकिस्तानी फलंदाजांनी स्थान मिळवले आहे.

फॉर्ममध्ये असलेला सलामीवीर इमाम-उल-हक ताज्या अपडेटमध्ये चौथ्या स्थानावर पोहोचला आहे. 1 मे रोजी या स्थानावर टीम इंडियाचा स्टार फलंदाज शुभमन गिल होता.

दरम्यान, न्यूझीलंडविरुद्ध नुकत्याच संपलेल्या वनडे मालिकेतील तीन सामन्यांमध्ये इमामने दोन अर्धशतके झळकावली. डावखुऱ्या फलंदाजाने तिसऱ्या सामन्यात 90 धावा ठोकल्या. त्याने 58 च्या सरासरीने 174 धावा केल्या.

यासह, पाकिस्तानचे तीन खेळाडू अव्वल चार स्थानी आले आहेत. बाबर आझम (Babar Azam) पहिला, फखर जमान तिसरा आणि इमाम उल हक चौथ्या क्रमांकावर आहे.

दक्षिण आफ्रिकेचा रॅसी व्हॅन डर डुसेन हा पाकिस्तानच्या त्रिकुटातील एकमेव खेळाडू आहे, जो दुसऱ्या क्रमांकावर आहे.

Imam Ul Haq
ICC ODI Rankings: 'या' सुपरस्टार खेळाडूची गाडी सुसाट, रोहित-विराटला टाकले मागे

हारिस रौफ, शाहीन आफ्रिदी आणि मोहम्मद वसीम यांनाही फायदा झाला

पाकिस्तानने न्यूझीलंडवर 4-1 ने मालिका जिंकल्यानंतर, पाकिस्तानच्या अनेक गोलंदाजांनी क्रमवारीत मोठी झेप घेतली.

ज्यामध्ये वेगवान गोलंदाज हरिस रौफ, शाहीन आफ्रिदी आणि मोहम्मद वसीम यांचा समावेश आहे. रौफ या मालिकेत सर्वाधिक 9 बळी घेणारा गोलंदाज ठरला होता.

गोलंदाजांच्या क्रमवारीत 42 व्या स्थानावर आहे, तर तीन सामन्यांत सहा विकेट्स घेतल्याने वसीम शीर्ष 100 मधून 69व्या स्थानावर पोहोचला आहे.

न्यूझीलंडच्या खेळाडूंना फायदा झाला

या मालिकेत आफ्रिदीने आठ विकेट घेतल्या होत्या. चौथ्या सामन्यात त्याच्या शानदार नाबाद 23 धावांमुळे तो अष्टपैलू खेळाडूंच्या यादीत आठ स्थानांनी 36 व्या स्थानावर पोहोचला.

त्याचबरोबर न्यूझीलंडच्या खेळाडूंनाही फायदा झाला आहे. वेगवान गोलंदाज मॅट हेन्रीने पाकिस्तानविरुद्ध 5.68 च्या चांगल्या इकॉनॉमी रेटसह गोलंदाजांच्या क्रमवारीत एका स्थानाने झेप घेत चौथ्या क्रमांकावर झेप घेतली आहे.

स्टँड-इन कर्णधार टॉम लॅथमने मालिकेत 282 धावा केल्यानंतर फलंदाजांच्या क्रमवारीत 8 स्थानांनी प्रगती करत 21 व्या स्थानावर पोहोचला आहे, तर सहकारी विल यंगने अंतिम सामन्यात शानदार 87 धावा केल्यानंतर 24 स्थानांनी प्रगती करत 75 व्या स्थानावर पोहोचला आहे.

Imam Ul Haq
ICC ODI Ranking: किंग कोहली पुन्हा टॉप 5 फलंदाजांमध्ये, गिल-सिराजचीही गरुडझेप

टॉप-10 मध्ये भारतीय फलंदाज कुठे आहेत

वनडे क्रमवारीत टॉप-10 मध्ये तीन भारतीय फलंदाज आहेत. यामध्ये शुभमन गिल (Shubman Gill) 738 गुणांसह पाचव्या, विराट कोहली 719 गुणांसह सातव्या आणि रोहित शर्मा 707 गुणांसह नवव्या स्थानावर आहे.

जगातील टॉप-10 ODI फलंदाज

बाबर आझम पाकिस्तान - 886 गुण

रेसी व्हॅन डर डुसेन दक्षिण आफ्रिका - 777 गुण

फखर जमान पाकिस्तान - 755 गुण

इमाम उल हक पाकिस्तान - 745 गुण

Imam Ul Haq
ICC ODI Rankings: बांगलादेशविरुद्ध द्विशतक झळकावणाऱ्या ईशानची ICC क्रमवारीत गगनभरारी!

शुभमन गिल भारत - 738 गुण

डेव्हिड वॉर्नर ऑस्ट्रेलिया - 726 गुण

विराट कोहली भारत - 719 गुण

क्विंटन डी कॉक दक्षिण आफ्रिका - 718 गुण

रोहित शर्मा भारत - 707 गुण

स्टीव्ह स्मिथ ऑस्ट्रेलिया - 702 गुण

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com