World Cup 2023: बटलरने जिंकला टॉस! भारत-इंग्लंड संघाच्या प्लेइंग-11 मध्ये 'या' खेळाडूंना संधी

ICC ODI Cricket World Cup 2023, India vs England, Playing XI :

वनडे वर्ल्डकप २०२३ स्पर्धेतील २९ वा सामना भारत विरुद्ध इंग्लंड संघात रविवारी (२९ ऑक्टोबर) होणार आहे. लखनऊमधील भारतरत्न श्री अटल बिहारी वाजपेयी एकाना क्रिकेट स्टेडियमवर हा सामना होणार असून या सामन्यात इंग्लंड संघाने नाणेफेक जिंकली असून प्रथम गोलंदाजी करण्याचा निर्णय घेतला आहे.

या सामन्यासाठी दोन्ही संघांनी प्लेइंग इलेव्हनमध्ये कोणतेही बदल केलेले नाहीत. त्यामुळे भारताकडून यापूर्वी न्यूझीलंडविरुद्ध खेळलेलेच ११ खेळाडू आणि इंग्लंडकडून यापूर्वी श्रीलंकेविरुद्ध खेळलेलेच ११ खेळाडू या सामन्यातही खेळताना दिसणार आहे.

भारत आणि इंग्लंड या दोन्ही संघांचा या स्पर्धेतील हा प्रत्येकी सहावा सामना असणार आहे. या सामन्यात विजय मिळवून आपला विजयी रथ कायम दौडवण्याचा भारतीय संघाचा हेतू असेल, तर पुन्हा विजयी लयीत परतण्याकडे आणि आपले आव्हान कायम ठेवण्याचा मानस इंग्लंडचा असेल.

भारताने आत्तापर्यंत पाचपैकी पाचही सामने जिंकले आहे, तसेच इंग्लंडने पाचपैकी एक सामना जिंकला आहे आणि चार सामने हरले आहेत.

दोन्ही संघांची प्लेइंग इलेव्हन -

• भारत - रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल (यष्टीरक्षक), सूर्यकुमार यादव, रवींद्र जडेजा, कुलदीप यादव, मोहम्मद शमी, जसप्रीत बुमराह, मोहम्मद सिराज.

• इंग्लंड - जॉनी बेअरस्टो, डेविड मालन, जो रूट, बेन स्टोक्स, जोस बटलर (यष्टीरक्षक/कर्णधार), लियाम लिव्हिंगस्टोन, मोईन अली, ख्रिस वोक्स, डेव्हिड विली, आदिल रशीद, मार्क वुड