India Vs Aus, Chennai Weather: भारत-ऑस्ट्रेलिया सामन्यावर पावसाचे सावट, चेन्नईतील सामन्यादरम्यान असे राहू शकते हवामान

World Cup 2023: एकदिवसीय विश्वचषकाचा पाचवा सामना भारत आणि ऑस्ट्रेलिया यांच्यात रविवारी (8 ऑक्टोबर) होणार आहे. चेन्नईच्या एमए चिदंबरम स्टेडियमवर दोन्ही संघ आमनेसामने येतील.

भारत आणि ऑस्ट्रेलियाला विजयाने स्पर्धेची सुरुवात करायची आहे. मात्र, पावसामुळे त्यांच्या आशा धुळीस मिळू शकतात. चेन्नईमध्ये गेल्या काही तासांत मुसळधार पाऊस झाला आहे.

आकाशात काळे ढग दिसत आहेत. अशा परिस्थितीत पावसामुळे सामन्यात व्यत्यय येण्याची भीती चाहत्यांना आहे.

दरम्यान, विश्वचषकात भारत (India) हा एकमेव संघ आहे ज्याला दोन्ही सराव सामन्यांमध्ये खेळण्याची संधी मिळाली नाही. गुवाहाटी आणि तिरुअनंतपुरममध्ये पावसामुळे सराव सामने होऊ शकले नाहीत.

मीडिया रिपोर्ट्सनुसार, चेन्नईतील सामन्याच्या एक दिवस आधी संध्याकाळचे सराव सत्रही रद्द करावे लागले. ऑस्ट्रेलियन संघाने हवामानाचा विचार करुन इनडोअर सत्रात भाग घेतला. अशा स्थितीत पावसाचा परिणाम सामन्यावर दिसून येईल, असे बोलले जात आहे.

सामन्यादरम्यान हवामान कसे असेल?

चेन्नईत दुपारी दोन वाजता सामना सुरु होईल. त्याआधी अर्धा तास टॉस होणार आहे. Accuweather.com नुसार चेन्नईमध्ये दुपारी तापमान 33 अंश सेल्सिअस राहण्याची शक्यता आहे. पावसाची शक्यता नाही, परंतु ढगाळ वातावरण असू शकते.

ढगाळ वातावरण राहण्याची शक्यता 21 टक्के आहे. त्याचवेळी, जर आपण संध्याकाळबद्दल बोललो तर 39 टक्के अंदाज आहे की आकाशात ढग दिसतील.

त्याचवेळी, ते रात्री 29 टक्क्यांपर्यंत कमी होते. मात्र, चेन्नईतील पावसाबाबत कोणीही काही सांगू शकत नाही. गेल्या काही दिवसांच्या वातावरणाने चाहते धास्तावले आहेत.

चेन्नईमध्ये भारताला ऑस्ट्रेलियाकडून पराभव पत्करावा लागला आहे

चेन्नईमध्ये दोन्ही संघांमधील हा चौथा एकदिवसीय सामना असेल. आतापर्यंत झालेल्या तीन सामन्यांमध्ये ऑस्ट्रेलियाचा (Australia) वरचष्मा राहिला आहे. त्यात दोन सामने जिंकले असून एका सामन्यात भारताला यश मिळाले आहे.

चेन्नई येथे भारत आणि ऑस्ट्रेलिया यांच्यातील विश्वचषकातील हा दुसरा सामना आहे. यापूर्वी 1987 मध्ये दोन्ही संघ आमनेसामने आले होते. त्यामध्ये कांगारु संघाने हा सामना एका धावेने जिंकला होता. भारत 2017 मध्ये जिंकला आणि ऑस्ट्रेलियाने मार्च 2023 मध्ये सामना जिंकला.

विश्वचषकासाठी दोन्ही संघ

भारत: रोहित शर्मा (कर्णधार), हार्दिक पांड्या (उपकर्णधार), शुभमन गिल, विराट कोहली, श्रेयस अय्यर, केएल राहुल, रवींद्र जडेजा, शार्दुल ठाकूर, जसप्रीत बुमराह, मोहम्मद सिराज, कुलदीप यादव, मोहम्मद शमी, रविचंद्रन अश्विन, इशान किशन, सूर्यकुमार यादव.

ऑस्ट्रेलिया : पॅट कमिन्स (कर्णधार), स्टीव्ह स्मिथ, अॅलेक्स कॅरी, जोश इंग्लिस, शॉन अॅबॉट, कॅमेरॉन ग्रीन, जोश हेझलवूड, ट्रॅव्हिस हेड, मार्नस लॅबुशेन, मिचेल मार्श, ग्लेन मॅक्सवेल, मार्कस स्टॉइनिस, डेव्हिड वॉर्नर, अॅडम झाम्पा, मिचेल स्टार्क.