Qatar vs Senegal: सलग दुसऱ्या पराभवामुळे यजमान कतार स्पर्धेतून बाहेर पडणार...

सेनेगल संघाने 3-1 गोलफरकाने मिळवला विजय
Qatar vs Senegal
Qatar vs SenegalDainik Gomantak

Qatar vs Senegal: फिफा फुटबॉल वर्ल्डकप स्पर्धेतील सहाव्या दिवशी शुक्रवारी दुसरा सामना ग्रुप ई मधील यजमान कतार आणि सेनेगल या संघांमध्ये झाला. सामन्यात सेनेगलने कतारवर 3-1 अशा गोलफरकाने मात केली. ग्रुप पातळीवर सलग दुसऱ्या पराभवामुळे यजमान कतारचे स्पर्धेतील आव्हान संपुष्टात येण्याची शक्यता आहे. ए गटातील पुढच्या सामन्यात जर इक्वाडोरकडून नेदरलँडचा संघ पराभूत झाला तरच या स्पर्धेतील कतारचे आव्हान टिकणार आहे, अन्यथा, दोन सामन्यातच कतारचा डाव आटोपणार आहे.

(FIFA World Cup 2022)

Qatar vs Senegal
Iran beats Wales: इराणचा वेल्सवर थरारक विजय; भरपाई वेळेत शेवटच्या 5 मिनिटांमध्ये 2 गोल

दोहातील अल थुमामा स्टेडियमवर रंगलेल्या या सामन्यात सेनेगलच्या बुलाए दिया याने कतारच्या बचावपटुंच्या चुकीचा लाभ घेत 41 व्या मिनिटाला मैदानी गोल नोंदवत सेनेगलला आघाडी मिळवून दिली. त्यानंतर लगेचच सेनेगलच्या फमारा दिएधोऊ याने 48 व्या मिनिटाला गोल करत सेनेगलची आघाडी वाढवली. फर्स्टहाफमध्ये सेनेगलची 2-0 अशी आघाडी कायम राहिली.

उत्तरार्धात 78 व्या मिनिटाला कतारच्या मोहम्मद मुनतारी याने गोल नोंदवत सेनेगलची आघाडी 2-1 वर आणली. पण त्यानंतर सहाच मिनिटांनंतर सेनेगलच्या बाम्बा दिएंग याने 84 व्या मिनिटाला आणखी एक गोल नोंदवत सेनेलगची आघाडी 3-1 अशी भक्कम केली. पुर्णवेळेत ही आघाडी कायम राहिली. भरपाई वेळेतही कतारला सेनेगलशी चांगली टक्कर देता आली नाही.

Qatar vs Senegal
Team India: सॅमसन-सूर्यकुमारला बांगलादेशविरुद्ध संधी न दिल्याने BCCI वर टीकेची झोड, जातीवादाचाही आरोप

धसमुसळ्या खेळाबद्दल दोन्ही संघांच्या प्रत्येकी तीन खेळाडुंना पंचांनी यलो कार्ड दाखवले. कतारच्या तुलनेत सेनेगलने चेंडुवर नियंत्रण राखले. सेनेगलला सात तर कतारला सहा कॉर्नर मिळाले. दरम्यान, फिफा रँकिंगमध्ये कतार 50 व्या स्थानावर आहे तर सेनेगल 18 व्या स्थानावर आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com