Goa: गोव्याची युवा जलतरणपटू संजना प्रभुगावकर (Swimmer Sanjana Prabhugaonkar) हिने राष्ट्रीय सबज्युनियर-ज्युनियर जलतरण स्पर्धेत (National Sub-Junior-Junior Swimming Championship) गुरुवारी आणखी एक पदक जिंकले (Won Medal). मुलींच्या गट एकमधील 50 मीटर बॅकस्ट्रोक शर्यतीत (Backstroke race) तिने रौप्यपदकाची (Silver medal) कमाई केली. स्पर्धा बंगळूर (Bangalore) येथे सुरू आहे.
संजनाने काल २०० मीटर बॅकस्ट्रोक शर्यतीत सुवर्णपदकाची कमाई केली होती. ५० मीटर बॅकस्ट्रोक शर्यतीत दुसऱ्या स्थानी राहिलेल्या संजनाने ३१.६३ सेकंद वेळ नोंदविली. कर्नाटकाच्या निना व्यंकटेश हिने ३०.८० सेकंद वेळेस सुवर्णपदक जिंकले, तर महाराष्ट्राच्या भक्ती वाडकर हिने ३१.९४ सेकंद वेळेसह ब्राँझपदक मिळविले.
संजना पर्वरी येथील द आर्डी स्कूलची नवव्या इयत्तेतील विद्यार्थिनी आहे. सध्या ती बंगळूर येथील गॅफ्रे ॲक्वेटिक सेंटरमध्ये जलतरण प्रशिक्षक भूषण कुमार यांच्या मार्गदर्शनाखाली पूर्ण वेळ सराव करते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
