पणजी: महेश कांदोळकर (Mahesh Kandolkar) यांच्या `टूगेदर फॉर चेस`(Together for Chess) या गटाने तिसवाडी (Tiswadi) तालुका बुद्धिबळ (Chess) संघटनेच्या निवडणुकीत निर्विवाद वर्चस्व राखले. स्वतः कांदोळकर यांनी अध्यक्षपदाच्या निवडीत हॅटट्रिक साधली, तर अन्य आठ जागांवरही त्यांच्या गटातील उमेदवार विजयी ठरले.
कांदोळकर यांना 70 मते मिळाली. `टूगेदर फॉर चेस` गटातील उमेदवारांत कुमारसेन कांबळी (59 मते) उपाध्यक्षपदी, दत्ताराम पिंगे (69 मते) सचिवपदी, अरविंद म्हामल (68 मते) खजिनदारपदी, ज्ञानेश्वर नाईक (66 मते) संयुक्त सचिवपदी निवडून आले. चार सदस्यपदासाठी नरेश पेडणेकर (68 मते), प्रकाश सावंत (63 मते), रत्नाकर फातर्पेकर (63 मते), शिवा (आतिश) आंगले (71 मते)यांची सरशी झाली.
विरोधी `पॅशनेट फॉर चेस` गटातील सर्व उमेदवार पराभूत झाले. त्यात अध्यक्षपदासाठी संदेश प्रभू चोडणेकर (42), उपाध्यक्षपदासाठी शंभू शिरोडकर (49 मते), सचिवपदासाठी संजय बेलुरकर (41 मते), खजिनदारपदासाठी बाळकृष्णन पोडुवाल (42 मते), संयुक्त सचिवपदासाठी अभय भामईकर (44 मते) आणि चार सदस्यपदासाठी पीटर रिबेलो (44 मते), अर्शा चोपडेकर (46 मते), विशालक्षी शेट्टी (45 मते), राजू नाईक (36 मते) निवडणूक रिंगणात होते.
तिसवाडी तालुका बुद्धिबळ संघटनेची निवडणूक रविवारी मळा-पणजी येथील महालक्ष्मी वाचन मंदिर सभागृहात झाली. तिसवाडी तालुका बुद्धिबळ संघटनेच्या निवडणुकीत 119 पैकी 113 प्रतिनिधींनी मतदान केले. नीळकंठ सिग्नापूरकर यांनी निवडणूक अधिकारी म्हणून काम पाहिले, त्यांना श्री. तारी यांचे सहाय्य लाभले. विश्वास पिळर्णकर गोवा बुद्धिबळ संघटनेचे निरीक्षक होते. तिसवाडी तालुका बुद्धिबळ संघटनेची नवी व्यवस्थापकीय समिती 2021-2025 या कालावधीसाठी कार्यरत असेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
