Goa: सालसेत तालुका बुद्धिबळ असो.च्या अध्यक्षपदी आशेश केणी विजयी

फातोर्डा : सालसेत (Salset) तालुका बुद्धिबळ असोसिएशनची (Chess Association) नुतन कार्यकारिणी निवडण्यासाठी आज मडगावच्या बीपीएस क्लब सभागृहात निवडणुक पार पडली. या निवडणुकीत असोसिएशनच्या 56 पैकी 55 सभासदांनी भाग घेतला. आशेश केणी (Ashesh Keni) यांची अध्यक्षपदी (president) तर सुनील बाळ्ळीकर याची सचिवपदी निवड झाली.

आशेश केणी यांना 32 तर त्याचे प्रतिस्पर्धी दिगंबर सावळ याना 23 मते पडली. सचिवपदी निवड झालेल्या सुनिल बाळ्ळीकर यास 31 तर त्याचे प्रतिस्पर्धी निलेश शिरो़डकर याला 24 मते पडली.

उपाध्यक्षपदी दामोदर जांबावलीकर याची निवड झाली. त्याला 35 तर प्रतिस्पर्धी नविता ए. च्यारी हिला 10 मते पडली. संयुक्त सचिवपदी निवड झालेल्या पृथ्विराज कातकार याला 40 मते पडली तर प्रतिस्पर्धी ्परेश पांडुरंग नाटेकर यास 15 मते पडली.

कार्यकारी समिती सदस्यपदी डॊ. शैलजा देसाई ई परब (38), अरुण कुमार बी आर शेट्टी (43), ज्योत्सना सारिपल्ली (29) व प्रकाश पुंडलीक इंसुलकर(28) यांची निवड झाली.

डॉ एडगर कायतानो मिनेझीस, पांडुरंग मोहन नायक व प्रज्योती उदय नाईक देसाई यांची निवड होऊ शकली नाही. निवडणुकीच्या निर्वाचन अधिकारी म्हणून अॅड. गीता कंटक यांनी काम पाहिले तर शरेंद्र नाईक यानी तिला सहकार्य केले.