Neeraj Chopra Torch Rally Bearer In 37th National Games 2023: वर्ल्ड चॅम्पियन भालाफेकपटू नीरज चोप्रा गोव्यात होणाऱ्या 37व्या राष्ट्रीय क्रीडा स्पर्धेच्या टॉर्च रॅलीसाठी उपस्थित राहणार आहे. क्रीडामंत्री गोविंद गावडे यांनी शनिवारी नावेली येथे यासंबंधी माहिती दिली.
नावेली येथील मनोहर पर्रीकर इनडोअर स्टेडियमला मंत्री गावडे यांनी भेट देऊन तयारीची पाहणी केली. 26 ऑक्टोबर ते 9 नोव्हेंबर या कालावधीत 37व्या राष्ट्रीय क्रीडा स्पर्धेचे आयोजन करण्यात येणार आहे.
मंत्री गावडे म्हणाले, 37 व्या राष्ट्रीय क्रीडा स्पर्धेचे उद्घाटन पंतप्रधान नरेंद्र मोदी यांच्या हस्ते होणार आहे. या स्पर्धेचे उद्घाटनावेळी भरगच्च कार्यक्रमांचे आयोजन करण्यात आले असून क्रिडा वातावरणात संपन्न होईल. गोव्यातील गायकांसोबत देशातील गायक उपस्थित राहून उत्साह वाढवणार आहेत.
तसेच या सोहळ्यात मशाल वाहक म्हणून ऑलिंपिक व आशियाई भालाफेक विजेता अ‍ॅथलिट निरज चोप्रा उपस्थित राहणार आहे. त्याने याबाबतचे आमंत्रण स्विकारले असून निरज चोप्रा मशाल वाहक म्हणून येणे ही गोव्यासाठी अभिमानाची गोष्ट असल्याचे क्रीडामंत्री गोविंद गावडे यानी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.