ISL Football: धडाकेबाज विजयासह एफसी गोवा अव्वल; चेन्नईयीन एफसीवर 3-0 ने सहज मात

एफसी गोवा आयएसएल स्पर्धेत अपराजित
गोल नोंदविल्यानंतर आनंदित झालेला एफसी गोवाचा रॉलिन बोर्जिस.
गोल नोंदविल्यानंतर आनंदित झालेला एफसी गोवाचा रॉलिन बोर्जिस.Dainik Gomantak

Indian Super League Football: एफसी गोवा संघाने इंडियन सुपर लीग (आयएसएल) फुटबॉल स्पर्धेत रविवारी धडाकेबाज विजय नोंदवत गुणतक्त्यात अव्वल स्थान मिळविले. चेन्नई येथे त्यांनी चेन्नईयीन एफसीवर 3-0 फरकाने सहज मात केली.

सामन्याच्या पूर्वार्धात मानोलो मार्केझ यांच्या मार्गदर्शनाखालील एफसी गोवाने 2-0 अशी भक्कम आघाडी घेतली होती. 13 व्या मिनिटास बोरिस सिंग याने गोल नोंदविताना जय गुप्ताच्या असिस्टवर अचूक नेम साधला.

नंतर 24 व्या मिनिटास रॉलिन बोर्जिस याने एफसी गोवाची आघाडी वाढविली. यावेळी त्याला कार्ल मॅकह्यू याच्या असिस्टला लाभ झाला. उत्तरार्धात बदली खेळाडू उदांता सिंग याने एफसी गोवाची आघाडी 3-0 अशी भक्कम केली. ब्रँडन फर्नांडिसच्या जागी मैदानात आलेल्या उदांताने 72 व्या मिनिटास संधी साधली.

गोल नोंदविल्यानंतर आनंदित झालेला एफसी गोवाचा रॉलिन बोर्जिस.
National Games 2023: उत्तराखंड मध्ये होणाऱ्या 38 व्या राष्ट्रीय क्रीडा स्पर्धेतही दबदबा राखण्याचे महाराष्ट्राचे ‘मिशन’

अपराजित वाटचाल

एफसी गोवा आयएसएल स्पर्धेत आता अपराजित आहे. पाच सामन्यांत चार विजय व एका बरोबरीसह त्यांनी 13 गुणांची कमाई केली आहे. केरळा ब्लास्टर्सचेही सहा लढतीनंतर तेवढेच गुण आहेत, मात्र गोव्यातील संघाची +6 अशी सरस गोलसरासरी असल्याचे ते अग्रस्थानी आहेत.

रविवारच्या लढतीपूर्वी सलग दोन सामने जिंकलेल्या ओवेन कॉयल यांच्या मार्गदर्शनाखालील चेन्नईयीन एफसीला चौथा पराभव पत्करावा लागला. त्यामुळे सहा लढतीनंतर त्यांचे सहा गुण कायम राहिले.

गोल नोंदविल्यानंतर आनंदित झालेला एफसी गोवाचा रॉलिन बोर्जिस.
IND vs SA: विजयाचं गिफ्ट! किंग कोहलीचे ऐतिहासिक शतक, टीम इंडियाने आफ्रिकेला दिली 243 धावांनी मात

स्पर्धेतील वर्चस्व कायम

आयएसएल स्पर्धेत आतापर्यंत दोन्ही संघांत 26 सामने झाले आहेत. एफसी गोवाने वर्चस्व राखताना 15 सामने जिंकले असून चेन्नईयीनने 9 सामने जिंकले आहेत. दोन लढती बरोबरीत राहिल्या.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com