Goa Professional Football League : गोवा प्रोफेशनल लीग फुटबॉल स्पर्धेत शुक्रवारी एफसी गोवा डेव्हलपमेंट संघासह चर्चिल ब्रदर्सने विजयाच्या पूर्ण तीन गुणांची कमाई केली. म्हापसा येथील धुळेर स्टेडियमवर एफसी गोवाने गार्डियन एंजल स्पोर्टस क्लबला 4-1 फरकाने नमविले. नागोवा येथील मैदानावर झालेला सामनाही एकतर्फी ठरला. चर्चिल ब्रदर्सने वेळसाव स्पोर्टस अँड कल्चरल क्लबचा 5-1 फरकाने धुव्वा उडविला.
एफसी गोवा संघाला फ्रांग्की बुआम याने दहाव्या मिनिटास आघाडी मिळवून दिली. 53व्या मिनिटास ज्योएल बारेट्टोने गार्डियन एंजलला बरोबरी साधून दिली. नंतर माल्सॉमत्लुआंगा याने 73व्या, मुहम्मद नेमिल याने 85व्या, तर बदली खेळाडू लीवन कास्तान्हा याने 90+5व्या मिनिटास प्रत्येकी एक गोल नोंदवून एफसी गोवाच्या विजयावर शिक्कामोर्तब केले.
चर्चिल ब्रदर्सच्या विजयात जॉर्ज डिसोझा याने 16व्या, अॅरोन बारेट्टोने 22व्या, शुबर्ट परेराने 26व्या मिनिटास प्रत्येकी एक गोल केल्यामुळे चर्चिल ब्रदर्सला पूर्वार्धात 3-0 अशी आघाडी मिळाली. 50 मिनिटास अॅरोन बारेट्टोने आणखी एक गोल केला. नंतर ज्योबर्न कार्दोझने 53व्या मिनिटास आघाडी 5-0 अशी एकतर्फी केली. 68व्या मिनिटास म्यूटन फर्नांडिसने वेळसाव संघाची पिछाडी एका गोलने कमी केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
