Fans shouted after seeing Dhoni: भारतीय संघाचा माजी कर्णधार महेंद्रसिंग धोनी 'कॅप्टन कूल' या नावाने प्रसिद्ध आहे. त्याला कॅप्टन कूल का म्हणतात हे प्रत्यक्षात पाहायला मिळाले. क्रिकेटचे मैदान असो की जीवन, माहीचा चेहरा नेहमीच प्रफुल्लित दिसतो.
धोनीने पुन्हा एकदा फक्त एका स्मितहास्याने चाहत्यांची मने जिंकली आहेत. धोनीचा विमानतळावरचा एक व्हिडिओ व्हायरल होत आहे, ज्यामध्ये धोनीने चाहत्यांची मनं कशी जिंकली हे पाहायला मिळत आहे.
दरम्यान, धोनी विमानतळावर पोहोचला होता. यावेळी सुरक्षा तपासणीदरम्यान धोनीच्या एका चाहत्याने 'माही भाई आय लव्ह यू' अशी आरोळी ठोकली, यावर धोनीने कोणतीही प्रतिक्रिया दिली नाही, कदाचित त्याने ते ऐकले नसेल.
यानंतर चाहत्याने पुन्हा हाक मारली आणि 'माही भाई आय लव्ह यू' असे म्हटले. यावेळी मात्र, धोनीने चाहत्याचा आवाज ऐकला आणि हसायला लागला. चाहत्याने पुढे म्हटले की, 'माझे हात थरथरत आहेत.' आता हा व्हिडिओ सोशल मीडियावर (Social Media) तूफान व्हायरल होत आहे. धोनीच्या साधेपणाचे कौतुक करताना चाहते थकत नाहीत.
सोशल मीडियावर व्हायरल झालेला हा व्हिडिओ 15 सेकंदांचा आहे. ज्यामध्ये धोनीने पांढऱ्या रंगाचा टी-शर्ट घातला आहे. त्याने काळा चष्मा आणि गडद निळ्या रंगाची जीन्स घातली आहे. कॅप्टन कूलचा हा लूक खूपच किलर दिसत आहे.
चाहत्यांनाही त्याचा हा लूक खूप आवडला आहे. या व्हिडिओवर चाहत्यांनी आपली प्रतिक्रिया देण्यात कोणतीही कसर सोडलेली नाही. माहीचे कौतुक करताना एका चाहत्याने 'एमएसडी'ची बीसीसीआयने टीम इंडियासाठी (Team India) मेंटर म्हणून नियुक्ती करावी, अशी मागणी केली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.