![Ethan Vaz](http://media.assettype.com/dainikgomantak%2F2022-10%2Fd41a8ab6-938c-4671-9086-5d877bd5b251%2FAditya_Gomantak_Do_not_Edit__1200___675_px____2022_10_20T171355_232.jpg?w=480&auto=format%2Ccompress&fit=max)
Ethan Vaz : गोव्याचा युवा प्रतिभाशाली बुद्धिबळपटू एथन वाझ याने आशियाई 12 वर्षांखालील बुद्धिबळ स्पर्धेत दोन सुवर्णपदके जिंकली. क्लासिकल खुल्या गटात त्याला वैयक्तिक विजेतेपद मिळाले, तर सांघिक गटात सुवर्णपदक जिंकलेल्या भारतीय संघाचे त्याने प्रतिनिधित्व केले.
आशियाई युवा बुद्धिबळ स्पर्धा इंडोनेशियातील बाली येथे झाली. या स्पर्धेतील शानदार कामगिरीमुळे एथनला फिडेकडून प्रतिष्ठेचा फिडे मास्टर किताबही प्राप्त झाला. त्यासाठी आवश्यक 2100 एलो मानांकन गुणांचा टप्पा त्याने ओलांडला.
एथन 11 वर्षांचा आहे. गतमहिन्यात त्याने अकरावा वाढदिवस साजरा केला. आशियाई युवा बुद्धिबळ स्पर्धेत खुल्या गटात सुवर्णपदक जिंकणारा तो पहिला गोमंतकीय बुद्धिबळपटू ठरला आहे. हल्लीच जागतिक युवा बुद्धिबळ स्पर्धेत त्याला बुद्धिबळ डाव सोडविण्याच्या स्पर्धेत रौप्यपदक मिळाले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.