Goa Crime : मानव तस्करी तसेच वेश्याव्यवसाय प्रकरणात गुंतलेल्या दोघांना मायनाभाटी-हडफडे येथून अटक करण्यात आली आहे. हणजुण पोलिसांनी धडक कारवाई करत तीन तरुणींची सुटकाही केली आहे. पर्यटन हंगाम तोंडावर आलेला असतानाच मायनाभाटी-हडफडे येथे वेश्याव्यवसाय प्रकरणात पोलिसांनी दोन संशयितांना गजाआड केलं आहे.
एका तरुणीला ग्राहकाला पुरवण्यासाठी आलेल्या संशयित मोहसीन शेख (गुजरात) तसेच शिल्पी मिश्रा (मुंबई) यांच्या हणजुण पोलिसांकडून शिताफीने मुसक्या आवळण्यात आल्या आहेत. पीडित तरुणीने दिलेल्या माहितीनुसार संशयितांनी वेश्या व्यवसायासाठी गोव्यात आणलेल्या आणि नामांकित रिसॉर्टमध्ये दडून बसलेल्या अन्य दोघा तरुणींचीही पोलिसांनी नंतर सुटका केली.
हणजूण पोलिसांकडून संशयित मोहसीन शेख तसेच शिल्पी मिश्रा यांच्याविरोधात भारतीय दंड संहितेच्या 378/370(3) तसेच आरडब्ल्यु 34 कलमाखाली गुन्हा दाखल करण्यात आला आहे. तसंच मनुष्य तस्करी प्रकरणात कलम 3आणि 4 नुसार गुन्हा दाखल करण्यात आला आहे. उत्तर गोवा पोलिस अधीक्षक शोभित सक्सेना तसेच म्हापसा उपअधीक्षक जीवबा दळवी यांच्या मार्गदर्शनाखाली हणजुणचे पोलिस निरीक्षक प्रशाल देसाई या प्रकरणाचा अधिक तपास करत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.