Eng Vs Ind: भारतीय संघासाठी सामन्याचा तिसरा दिवस थोडासा दिलासादायक ठरला. आज खेळाच्या सुरवातीलाच भारतीय संघाने इंग्लंड चे शिल्लक 2 फलंदाजांना केवळ 9 धावांत तंबूत धाडले. व इंग्लंडचा संघ 432 धावांत संपुष्टात आला. भारतातर्फे मोहम्मद शमीने सर्वाधिक 4 गडी बाद केले (M Shami took 4 Wkt). त्याचप्रमाणे बुमराह, सिराज व जडेजा यांनी प्रत्येकी 2 गडी बाद केले.
त्यानंतर दुसऱ्या डावाची फलंदाजी करायला उतरलेल्या भारतीय संघाने पहिल्या डावात केलेल्या चुकीतून शिकवण घेत अतिशय सावध पवित्रा स्विकारला. भारतीय सलामी जोडी स्थिर होतेय असे वाटत असताना के एल राहुल 54 चेंडूत 8 धावा बनवून बाद झाला. त्यानंतर आलेल्या पुजाराने आपल्या लौकिकाला साजेशी फलंदाजी केली, रोहित शर्मा (Rohit Sharma) व पुजारा (Cheteshwar Pujara) या दोघांची जोडी बऱ्यापैकी जमली. रोहित - पुजारा या जोडीने इंग्लंड संघाला विकेटसाठी बराच वेळ तडफवले. अखेरीस रॉबिनसनच्या गोलंदाजीवर रोहित शर्मा 59 धावांवर पायचीत झाला. (Rohit 59 Runs)
त्यानंतर आलेला फलंदाज व भारताचा कर्णधार विराट कोहलीने (Captain Virat Kohli) स्थिरावलेल्या पुजाराला अनुकूल साथ दिली, व धावफलक हलता ठेवला. पुजाराने आज 50 धावांच्या सरासरीने व 15 चौकारांच्या सहाय्याने नाबाद 91 धावा बनवल्या. कर्णधार विराट कोहली 94 चेंडूत 45 धावांवर खेळात आहे. (Pujara & Kohli Not Out) तिसऱ्या दिवसाचा खेळ संपल्यानंतर भारताने 80 षटकांमध्ये 2 गड्यांच्या मोबदल्यात 215 धावा जमवल्या. इंग्लंडतर्फे ओली रॉबिन्सन व क्रेग ओव्हरटन यांनी प्रत्येकी 1 गाडी प्राप्त केला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
