Delhi Capitals Women vs UP Warriorz, WPL 2023: मेग लॅनिंगच्या नेतृत्वाखालील दिल्ली कॅपिटल्सने महिला प्रीमियर लीग (WPL) 2023 मध्ये विजयी मोहीम सुरु ठेवली आहे. पहिल्या सामन्यात आरसीबीचा 60 धावांनी पराभव केल्यानंतर दिल्लीने मंगळवारी यूपी वॉरियर्सचा 42 धावांनी पराभव केला.
दरम्यान, लॅनिंगच्या झंझावाती अर्धशतकी खेळीच्या जोरावर दिल्लीने 212 धावांचे मोठे लक्ष्य ठेवले होते. प्रत्युत्तरात यूपीचा संघ 5 विकेट गमावून 169 धावाच करु शकला. यूपीकडून ताहलिया मॅकग्राने (नाबाद 90) सर्वाधिक धावा केल्या. एलिसा हिलीच्या नेतृत्वाखालील यूपीने त्यांच्या पहिल्या सामन्यात गुजरात जायंट्सचा 3 गडी राखून पराभव केला होता.
तत्पूर्वी, दिल्लीने निर्धारित 20 षटकांत 4 गडी गमावून 211 धावा केल्या. नाणेफेक हरल्यानंतर फलंदाजीला उतरलेल्या दिल्लीने चांगली सुरुवात केली. लॅनिंग आणि शफाली वर्मा (Shafali Verma) (17) यांनी पहिल्या विकेटसाठी 67 धावांची भागीदारी केली. शफाली सातव्या षटकात ताहलिया मॅकग्राची बळी ठरली.
दुसरीकडे, मारिजन कॅपने (16) 11व्या षटकात सोफी एक्लेस्टोनला आपल्या जाळ्यात अडकवले. तिसरी खेळाडू म्हणून लॅनिंग 12व्या षटकात बाद झाली. तिला राजेश्वरी गायकवाडने क्लीन बोल्ड केले. लॅनिंगने 42 चेंडूंत 10 चौकार आणि 3 षटकारांसह 70 धावांची खेळी केली.
त्याचबरोबर, शबनम इस्माईलने 15 व्या षटकात अॅलिस कॅप्सीला (21) पॅव्हेलियनमध्ये पाठवले. यानंतर जेस जोनासेन आणि जेमिमाह रॉड्रिग्स यांनी आघाडी घेतली. दोघींनी पाचव्या विकेटसाठी 67 धावांची शानदार भागीदारी करत दिल्लीला (Delhi) 200 च्या पुढे नेले. जोनासेनने 20 चेंडूत 3 चौकार आणि 3 षटकारांसह नाबाद 42 धावा केल्या. त्याचवेळी, जेमिमाने 22 चेंडूत 34 धावांची नाबाद खेळी खेळली. तिने 4 चौकार मारले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.