IPL 2023: आयपीएल 2023 चा हंगाम 31 मार्चपासून सुरु होणार आहे. सनरायझर्स हैदराबाद (SRH) त्यांचा पहिला सामना 2 एप्रिल रोजी खेळणार आहे. मात्र, कर्णधार एडन मार्कराम या सामन्यातून बाहेर असेल.
त्याच्या जागी भुवनेश्वर कुमार या सामन्यात कर्णधारपद भूषवताना दिसणार आहे. राजस्थान रॉयल्सविरुद्धच्या सलामीच्या सामन्यात भुवी सनरायझर्स हैदराबादचे नेतृत्व करेल.
मार्कराम नेदरलँड्सविरुद्धच्या दोन सामन्यांच्या एकदिवसीय मालिकेसाठी दक्षिण आफ्रिकेत आहे आणि 3 एप्रिलला भारतात पोहोचेल.
दक्षिण आफ्रिका या वर्षी भारतात खेळल्या जाणाऱ्या एकदिवसीय विश्वचषकासाठी थेट पात्र ठरु पाहत असताना ही मालिका महत्त्वाची आहे.
ही मालिका जिंकून ते वनडे विश्वचषकात थेट स्थान मिळवू शकतात. त्यांना नेदरलँडविरुद्धचे दोन्ही वनडे सामने ओव्हर-रेट पेनल्टी न लावता जिंकणे आवश्यक आहे.
त्यानंतर मे महिन्यात बांगलादेशविरुद्धच्या तीन सामन्यांच्या मायदेशातील मालिकेत आयर्लंडने किमान एक सामना गमावावा अशी अपेक्षा आहे.
भुवनेश्वर 2013 पासून सनरायझर्ससोबत आहे. यापूर्वी त्याने नेतृत्व केले आहे. त्याने 2019 मध्ये सहा आणि 2022 मध्ये एकदा कर्णधारपद भूषवले आहे. त्या सातपैकी दोन सामने सनरायझर्सने जिंकले होते.
2022 मध्ये पॉइंट टेबलमध्ये 8 व्या स्थानावर राहिल्यानंतर, सनरायझर्सने या हंगामासाठी काही मोठे बदल केले. त्यांच्या कर्णधार केन विल्यमसनची (Kane Williamson) सुटका हा प्रमुख बदलांपैकी एक होता. विल्यमसनच्या जागी मार्करामकडे कर्णधारपद सोपवण्यात आले.
मार्करामने अलीकडेच सनरायझर्स इस्टर्न केपचे नेतृत्व करत SA20 (दक्षिण आफ्रिकेची ट्वेंटी20 लीग) जेतेपद पटकावले, जिथे तो स्पर्धेतील तिसरा-सर्वाधिक धावा करणारा खेळाडू बनला.
त्याने 127 च्या स्ट्राईक रेटने 369 धावा केल्या. त्याने आपल्या ऑफस्पिनने 6.19 च्या इकॉनॉमीने 11 विकेट्स घेतल्या. मार्कराम व्यतिरिक्त मार्को जॅनसेन आणि हेनरिक क्लासेन हे देखील पहिल्या सामन्यासाठी अनुपलब्ध असतील.
त्यामुळे सनरायझर्सकडे हॅरी ब्रूक, ग्लेन फिलिप्स, आदिल रशीद, फजलहक फारुकी आणि अकील हुसेन हे केवळ पाच परदेशी खेळाडू असतील. सनरायझर्सचा दुसरा सामना 7 एप्रिल रोजी लखनऊ सुपर जायंट्स विरुद्ध लखनऊ (Lucknow) येथे होणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.