Bhagwani Devi Gold Medal India World Masters Athletics Championships 2022: भारताच्या 94 वर्षीय देवी डागर यांनी इतिहास रचला आहे. जागतिक मास्टर्स अ‍ॅथलेटिक्स चॅम्पियनशिपमध्ये त्यांनी सुवर्ण आणि दोन कांस्यपदके जिंकली आहेत. वयाच्या 94 व्या वर्षी त्यांनी हा पराक्रम केला आहे. भगवानी देवी सर्वांसाठी प्रेरणास्त्रोत बनल्या आहेत. हरियाणाच्या भगवानी देवी यांनी 100 मीटर स्प्रिंट स्पर्धेत सुवर्णपदक पटकावले आहे.
दरम्यान, फिनलंडमधील (Finland) टेम्पेरेमध्ये पार पडलेल्या 100 मीटर स्प्रिंट स्पर्धेत भगवान देवी (Bhagwani Devi) यांनी अवघ्या 24.74 सेकंदात सुवर्णपदक जिंकले. यासह त्यांनी शॉटपुटमध्येही कांस्यपदक पटकावले आहे. भगवानी यांच्या या शानदार विजयाबद्दल क्रीडा मंत्रालयाने त्यांचे अभिनंदन केले आहे. मंत्रालयाने त्यांच्या फोटोसह अभिनंदनाचा संदेश दिला आहे.
मंत्रालयाने ट्विट करत म्हटले की, "भारताच्या (India) 94 वर्षीय भगवान देवींनी पुन्हा एकदा सिद्ध केले आहे की, वय हा अडथळा नाही! त्यांनी टेम्पेरे येथील #वर्ल्डमास्टर्स अ‍ॅथलेटिक्स चॅम्पियनशिपमध्ये 100 मीटर स्प्रिंट स्पर्धेत 24.74 सेकंद वेळेसह सुवर्णपदक जिंकले. तसेच शॉटपुटमध्येही कांस्यपदक जिंकले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
