Team India: BCCI ने बदलला WTC फायनलचा संघ! 'या' 5 खेळाडूंना मिळाली संधी

Indian Squad for WTC Final: भारत आणि ऑस्ट्रेलिया यांच्यात वर्ल्ड टेस्ट चॅम्पियनशिप (WTC Final-2023) चा अंतिम सामना 7 जूनपासून लंडनमध्ये खेळवला जाणार आहे.

यासाठी बीसीसीआयने संघाची घोषणा केली असून, सलामीवीर रोहित शर्माकडे कर्णधारपद सोपवण्यात आले आहे. दरम्यान, बीसीसीआयने गुरुवारी एक मोठी घोषणा करत अन्य काही खेळाडूंचा संघात समावेश केला आहे.

ईशान आणि सर्फराजला संधी मिळाली

BCCI निवड समितीने ऑस्ट्रेलियाविरुद्धच्या वर्ल्ड टेस्ट चॅम्पियनशिप अंतिम सामन्यासाठी (WTC फायनल) ऋतुराज गायकवाड, सर्फराज खान आणि ईशान किशन यांना स्टँडबाय खेळाडू म्हणून घोषित केले आहे.

गायकवाड आणि सर्फराजला विशेष फलंदाज म्हणून तर ईशान किशनला यष्टीरक्षक फलंदाज म्हणून समावेश केला आहे.

बीसीसीआयने या सामन्यासाठी वेगवान गोलंदाज नवदीप सैनी आणि मुकेश कुमार यांना स्टँडबाय गोलंदाज म्हणून नियुक्त केले आहे.

द्रविड 23 मे रोजी इंग्लंडला रवाना होणार आहे

डब्ल्यूटीसी फायनलसाठी बीसीसीआयने खास योजना आखली आहे. बीसीसीआयला इंग्लंडमध्ये होणाऱ्या डब्ल्यूटीसी फायनलपूर्वी अनेक दिवसांचे सराव सामने हवे आहेत, ज्यावर विचार सुरु आहे.

भारतीय संघाचे मुख्य प्रशिक्षक राहुल द्रविड (Rahul Dravid), प्रशिक्षक कर्मचारी आणि आयपीएल प्लेऑफमधून बाहेर पडलेले खेळाडू 23 मे रोजी इंग्लंडला रवाना होणार आहेत.

बीसीसीआयच्या अधिकाऱ्याने ही माहिती दिली

दरम्यान, राहुल द्रविडसोबत काही खेळाडू लंडनला रवाना होणार असल्याची माहिती बीसीसीआयच्या अधिकाऱ्याने दिली आहे.

इनसाइडस्पोर्टच्या वृत्तानुसार, 'राहुल मे महिन्याच्या शेवटच्या आठवड्यात म्हणजे 23-24 मे च्या सुमारास लंडनला रवाना होईल. काही खेळाडू द्रविडसोबत जातील, ज्यांची आयपीएल मोहीम संपेल.