पणजी: आगामी मोसमातील रणजी करंडक क्रिकेट स्पर्धेत (Ranji Trophy cricket tournament) गोव्याचा (Goa) कठीण गटात समावेश आहे. एलिट ड गटात त्यांच्यासह गतविजेते सौराष्ट्र, माजी विजेते तमिळनाडू व रेल्वे, तसेच झारखंड, जम्मू-काश्मीर या मातब्बर संघ आहेत.
भारतीय क्रिकेट नियामक मंडळाने (BCCI) मंगळवारी देशांतर्गत क्रिकेट स्पर्धेची गटवारी व वेळापत्रक जाहीर केले. कोरोना विषाणू महामारीमुळे प्रत्येक गटातील सामने एकाच केंद्रावर जैवसुरक्षा वातावरणात खेळले जातील. गोव्याच्या एलिट ड गटातील सर्व साखळी सामने अहमदाबाद येथे होतील. गट साखळीतील सामने पुढील वर्षी 13 जानेवारी 13 फेब्रुवारी या कालावधीत होतील.
विजय हजारे करंडक एकदिवसीय स्पर्धेत गोव्याचा एलिट ई गटात समावेश असून पंजाब, रेल्वे, राजस्थान, सेनादल, आसाम हे संघ प्रतिस्पर्धी आहेत. या स्पर्धेतील सामने 8 ते 14 डिसेंबर या कालावधीत होतील.
सय्यद मुश्ताक अली करंडक टी-20 स्पर्धेत लखनौ येथे गोवा एलिट अ गटात खेळेल. या गटात पंजाब, तमिळनाडू, ओडिशा, महाराष्ट्र व पुदुचेरी हे अन्य संघ आहेत. गट साखळी सामने 4 ते 9 नोव्हेंबर या कालावधीत खेळले जातील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.