डिचोली: बोर्डे बॅडमिंटन क्लबतर्फे (Borde Badminton Club) आयोजित बॅडमिंटन प्रशिक्षण कार्यशाळेला डिचोलीत उत्साहात प्रारंभ झाला आहे. शिक्षा व्हिजन, डिचोलीच्या सहकार्याने बोर्डे येथील हावजिंग बोर्ड कॉलनी येथील चिल्ड्रन पार्कमध्ये ही कार्यशाळा घेण्यात येत असून, या कार्यशाळेत (workshop) 30 विद्यार्थ्यांनी भाग घेतला आहे. एक आठवडा चालणाऱ्या या कार्यशाळेत प्रशिक्षक (Trainer) शुभम देसाई, सय्यद अत्तर आणि रश्मीर मातोणकर हे खेळाडूंना बॅडमिंटन खेळातील शिस्त, बारकावे आदीविषयी मार्गदर्शन करणार आहेत.
उदघाटन सोहळा मुळगाव येथील ज्ञानविकास मंडळ उच्च माध्यमिक विद्यालयाचे क्रीडा शिक्षक प्रा. मंगेश परब यांच्या हस्ते या कार्यशाळेचे उदघाटन करण्यात आले.
झांट्ये महाविद्यालयाचे (college) शारीरिक शिक्षक प्रा. सत्यवान हरमलकर, आयोजक संस्थेचे डॉ. प्रवीण सावंत, प्रशिक्षक शुभम देसाई, सय्यद अत्तर, सुमंथ नाईक आणि सुधीर वालावलकर उपस्थित होते.
यावेळी बोलताना मंगेश परब आणि सत्यवान हरमलकर यांनी खेळाचे महत्व विशद केले. सूत्रसंचालन डॉ. सावंत यांनी केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
