Asian Games 2023: आशियाई क्रीडा स्पर्धेत भारताने 1982 नंतर पहिल्यांदाच घोडेस्वारीत सुवर्णपदक जिंकले आहे. तिसऱ्या दिवशीही चीनच्या भूमीवर भारताचा तिरंगा डौलाने फडकला.
या स्पर्धेत भारतीय संघाने 209.205 गुणांसह अव्वल स्थान पटकावले, तर 204.882 गुणांसह चीनने दुसरे स्थान आणि हाँगकाँगने 204.852 गुणांसह तिसरे स्थान पटकावले. सुदीप्ती हजेला, हृदय विपुल छेडा, अनुष गरवाला आणि दिव्याकृती सिंग यांच्या टीमने या स्पर्धेत भारतासाठी पहिले सुवर्णपदक जिंकून इतिहास रचला.
खेळाडूंनी सुवर्ण जिंकल्यानंतर काही वेळातच भारताने याच क्रिडा प्रकारात वैयक्तिकमध्ये एक रौप्य पदक आणि एक कांस्य पदकही पटकावले.
भारताने (India) घोडेस्वारीत 209.205 गुण मिळवून सुवर्णपदक जिंकले. 19 व्या आशियाई क्रीडा स्पर्धेत भारताचे हे तिसरे सुवर्णपदक आहे. यापूर्वी भारताने नेमबाजीत एक सुवर्ण आणि महिला क्रिकेटमध्ये दुसरे सुवर्णपदक जिंकले होते.
घोडेस्वारीच्या सांघिक स्पर्धेत सुवर्णपदक जिंकल्यानंतर याच प्रकारात अनुष अग्रवालाने भारतासाठी रौप्यपदक जिंकले, तर हृदय छेडाने कांस्यपदक पटकावले.
19 व्या आशियाई क्रीडा स्पर्धेच्या तिसर्‍या दिवशी असे अनेक गेम पाहायला मिळाले, ज्यात भारताने पदक जिंकले नाही, परंतु त्या दिशेने भारताने पाऊल टाकले आहे. पुरुष हॉकीमध्ये भारताने सिंगापूरचा 16-1 अशा मोठ्या फरकाने पराभव केला.
स्क्वॉशमध्ये महिला खेळाडूंनी पाकिस्तानचा 3-0 असा पराभव केला. स्क्वॉशच्या पुरुष गटातही भारताने 3-0 असा विजय मिळवला. आता सर्वांच्या नजरा व्हॉलीबॉल गेमवर असतील, जिथे भारताचा पाचव्या स्थानासाठी पाकिस्तानशी (Pakistan) सामना होणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.