![Boxer Nikhat Zareen](http://media.assettype.com/dainikgomantak%2F2023-09%2Fab076b78-ff80-4b28-a66a-ed867262c121%2FUntitled_design___2023_09_24T215951_266.jpg?w=480&auto=format%2Ccompress&fit=max)
Asian Games 2023: आशियाई क्रीडा स्पर्धेत भारताने शानदार सुरुवात केली आहे. स्टार बॉक्सर निखत जरीनने रविवारी (24 सप्टेंबर) व्हिएतनामच्या गुयेन थी टॅमचा पराभव करुन आशियाई क्रीडा स्पर्धेत रौप्य पदकासह शानदार सुरुवात केली. निखतने गुयेन थी टॅमचा 5-0 असा पराभव केला.
निखत जरीनने महिलांच्या 50 किलो गटाच्या उपउपांत्यपूर्व फेरीत गुयेन थी टॅमचा पराभव करुन आगेकूच केली. प्री क्वार्टरमध्ये जरीनचा सामना दक्षिण कोरियाच्या चोरोंग बाकशी होणार आहे.
27 वर्षीय निखत जरीनने पहिल्या फेरीपासूनच आघाडी घेतली. तिने तिसऱ्या फेरीत आपल्या प्रतिस्पर्ध्याला शानदार बॉक्सिंगने (Boxing) पराभूत केले आणि पुढील फेरीत प्रवेश केला. निखतच्या उत्कृष्ट बॉक्सिंगमुळे, गुयेनला पहिल्याच फेरीत 30 सेकंदात दोनदा 'आठ काउंट' द्यावे लागले.
विजयानंतर निखत म्हणाली की, “मला या सामन्यात एकतर्फी विजयाची अपेक्षा नव्हती, पण माझी योजना तशी होती. माझी योजना पहिल्या दोन फेऱ्या एकमताने जिंकण्याची होती जेणेकरुन मी तिसऱ्या फेरीत रिलॅक्स करु शकेन.”
ऑलिम्पिकमधील (Olympics) कोट्यामध्ये स्थान मिळवण्याबाबत बोलताना निखत म्हणाली की, 'मी प्रथम पॅरिससाठी पात्र होण्यावर लक्ष केंद्रित करत आहे.' निखत पुढे असेही म्हणाली की, “मी प्रथम पात्रतेवर लक्ष केंद्रित करत आहे. त्यानंतर मी अंतिम आणि सुवर्णपदकाचा विचार करेन.''
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.