पणजी: सूरज डोंगरे व अचित शिगवण यांची चमकदार फलंदाजी, तसेच ओमप्रकाश चौहानच्या प्रभावी गोलंदाजीच्या बळावर आर्लेम स्पोर्टस क्लबने 40व्या नंदा लोलयेकर करंडक एकदिवसीय क्रिकेट स्पर्धेच्या अंतिम फेरीत प्रवेश केला. उपांत्य लढतीत त्यांनी पोळे क्रिकेट क्लबवर 82 धावांनी सहज मात केली.
माशे क्रिकेट क्लबच्या स्पर्धेतील सामना रविवारी माशे-काणकोण येथील निराकार मैदानावर झाला. आर्लेम क्लबने प्रथम फलंदाजी करताना 13 षटकांत 1 बाद 94 धावा केल्या, पण नंतर पाच विकेट गमावल्यामुळे त्यांची घसरगुंडी उडाली. नंतर अचितने खिंड लढविल्यामुळे आर्लेम क्लबला 202 धावांची मजल मारता आली. उत्तरादाखल अतुल यादव याच्या अर्धशतकानंतरही पोळे क्लबचा डाव 120 धावांत संपुष्टात आला.
संक्षिप्त धावफलक: आर्लेम स्पोर्टस क्लब: 34 षटकांत सर्वबाद 202 (सूरज डोंगरे 48, अचित शिगवण 47, शुभम गजिनकर 25, उदित यादव 3-27, राहुल गोसावी 2-38, रोहित नाईक 2-44) वि. वि. पोळे क्रिकेट क्लब: 26 षटकांत सर्वबाद 120 (अतुल यादव 53, प्रज्ञेश गावकर 14, राहुल गोसावी 14, ओमप्रकाश चौहान 3-14, अचित शिगवण 2-23, सोमेश प्रभुदेसाई 2-26).
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
