Asia Cup 2022: आशिया कपमध्ये रविवारी भारत आणि पाकिस्तान यांच्यात रोमांचक सामना झाला. या सामन्यात भारताने पाकिस्तानचा पराभव करत आशिया चषक स्पर्धेतील विजयी मोहिमेला सुरुवात केली. डिस्ने प्लस हॉटस्टार या ओटीटी प्लॅटफॉर्मवर हा सामना पाहायला मिळाला. T20 चा हा मजेदार सामना पाहण्यासाठी दुबईचे स्टेडियम खचाखच भरले होते, तर दूरचित्रवाणीसमोरही चाहते थिजून गेले होते. सुप्रसिद्ध बॉलीवूड दिग्दर्शक ओनीरने एक व्हिडिओ शेअर केला, ज्यामध्ये एक अफगाणी चाहता भारताच्या विजयाचा आनंद साजरा करताना दिसत आहे.
दरम्यान, या व्हिडिओमध्ये दिसत आहे की, 'हार्दिक पांड्याने (Hardik Pandya) भारतासाठी विजयी शॉट मारताच व्हिडिओमध्ये उपस्थित लोक आनंद साजरा करण्यास सुरुवात करतात. यातच एक व्यक्ती येतो आणि टीव्हीवर दिसत असलेल्या हार्दिकच्या चेहऱ्याचे चुंबन घेतो.' अशातच ओनीरने त्याच्या ट्विटर अकाऊंटवर हा व्हिडिओ शेअर केला आहे.
हा व्हिडिओ शेअर करत एका व्यक्तीने लिहिले की, 'आमच्या सर्व बांधवांचे अभिनंदन. भारत (India) आणि अफगाणिस्तान. आम्ही अफगाणिस्तानचे (Afghanistan) लोक आमच्या शेजारी देशासोबत विजय साजरा करत आहोत.' ओनीरने हा व्हिडीओ हार्ट इमोजीसह शेअर केला आहे. असो, या खेळाबद्दलच्या अशा भावना सोशल मीडियावर अनेकदा पाहायला मिळतात. हा व्हिडीओ देखील याचेच एक उदाहरण आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
