Aaron Finch retires from T20 cricket:
ऑस्ट्रेलियाचा दिग्गज क्रिकेटपटू ऍरॉन फिंचने शनिवारी त्याच्या प्रोफेशनल कारकिर्दीतील अखेरचा सामना खेळला. त्याने शनिवारी बिग बॅश लीगमधील मेलबर्न रेनेगेड्सकडून मेलबर्न स्टार्स संघाकडून अखेरचा टी20 सामना खेळला.
फिंचने यापूर्वीच आंतरराष्ट्रीय क्रिकेटमधून निवृत्ती घेतली असून तो टी20 क्रिकेट स्पर्धांमध्ये खेळत होता. पण आता त्याने टी20 क्रिकेटमधून देखील निवृत्ती घेतली. दरम्यान, त्याच्या अखेरच्या सामन्यात रेनेगेड्सने त्याला विजयी निरोप दिला. संघ जिंकला असला, तरी मात्र फिंच त्याच्या अखेरचा सामन्यात शुन्यावर बाद झाला.
फिंच ऑस्ट्रेलियाचा टी20 क्रिकेटमधील एक उत्तम खेळाडू राहिला आहे. त्याने त्याच्या संपूर्ण टी20 कारकिर्दीत 387 सामने खेळले असून 33.60 च्या सरासरीने 11458 धावा केल्या. यामध्ये 8 शतके आणि 77 अर्धशतकांचा समावेश आहे. तो ऑस्ट्रेलियाचा टी20 क्रिकेटमध्ये सर्वाधिक धावा करणारा डेव्हिड वॉर्नरनंतरचा (11732) दुसऱ्या क्रमांकाचा फलंदाज आहे.
तसेच टी20 क्रिकेटमध्ये सर्वाधिक धावा करणाऱ्या क्रिकेटपटूंमध्ये तो सातव्या क्रमांकावर आहे. फिंचने या 387 टी20 सामन्यांमधील 103 सामने आंतरराष्ट्रीय स्तरावर खेळले असून 2 शतके आणि 19 अर्धशतकांसह 34.28 च्या सरासरीने 3120 धावा केल्या आहेत. तो आंतरराष्ट्रीय टी20 क्रिकेटमध्ये 3000 धावा करणारा ऑस्ट्रेलियाचा एकमेव फलंदाज आहे.
याशिवाय बीबीएलमध्येही तो सर्वाधिक धावा करणारा ख्रिस लिननंतरचा दुसऱ्या क्रमांकाचा फलंदाज आहे. लिनने 3725 धावा केल्या आहेत, तर फिंचने 3311 धावा केल्या आहेत. 2018-19 मध्ये फिंचच्या नेतृत्वाखाली मेलबर्न रेनेगेड्सने बीबीएलचे विजेतेपदही जिंकले.
फिंचने 2014 ते 2022 दरम्यान ऑस्ट्रेलिया संघाचे आंतरराष्ट्रीय टी20 क्रिकेटमध्ये नेतृत्वही केले. त्याने 76 आंतरराष्ट्रीय टी20 सामन्यात ऑस्ट्रेलियाचे नेतृत्व करताना 40 विजय मिळवले, तर 32 पराभव पाहिले. 1 सामना बरोबरीत सुटला, तर 3 सामन्यांचा निकाल लागलेला नाही.
फिंच आंतरराष्ट्रीय टी20 क्रिकेटमध्ये सर्वाधक सामन्यात नेतृत्व करणारा कर्णधार आहे. त्याच्या पोठोपाठ एमएस धोनी आणि ओएन मॉर्गन आहे. या दोघांनी प्रत्येकी 72 आंतरराष्ट्रीय टी20 सामन्यांमध्ये नेतृत्व केले आहे. फिंचच्याच नेतृत्वाखाली ऑस्ट्रेलियाने 2021 साली टी20 वर्ल्डकपचे विजेतेपदही पटकावले.
फिंचने त्याच्या आंतरराष्ट्रीय कारकिर्दीत 5 कसोटी सामने खेळले आहेत. यामध्ये त्याने २७८ धावा केल्या. तसेच 146 वनडे सामन्यांत त्याने 17 शतके आणि 30 अर्धशतकांसह 5406 धावा केल्या आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
