पणजी : आयएसएलच्या अंतिम सामन्यासाठी केरळहून दुचाकीवरून गोव्याला निघालेल्या केरळा ब्लास्टर्सच्या दोघा युवा चाहत्यांचे रविवारी सकाळी अपघाती निधन झाले. ए. के. शिबिल (20) व पी. टी. मुहम्मद जमशिर (22) हे मल्लपुरम शहरानजीकच्या चेरुकुन्नू गावातील दोघे युवक मडगाव येण्यासाठी दुचाकीवरून निघाले होते. (Fans of Kerala Blasters News)
केरळमधील कासारागोड जिल्हातील उदमा येथे त्यांच्या दुचाकीला मिनी ट्रकची धडक (Accident) बसली. इस्पितळात दाखल केल्यानंतर त्यांना मृत घोषित करण्यात आले. शिबिल हा हैदराबाद एफसीचा विंगर ए. के. अब्दुल राबीह याचा नातेवाईक आहे. दोघा युवा चाहत्यांच्या अपघाती निधनाबद्दल केरळा ब्लास्टर्स संघाने सोशल मीडियाद्वारे तीव्र दुःख व्यक्त करून त्यांना श्रद्धांजली वाहिली.
दरम्यान केरळमधून मोठ्या संख्येने केरळा ब्लास्टर्सचे (Kerala Blasters) पाठिराखे रविवारी फातोर्ड्यात दाखल झाले. हा संघ यलो जर्सीसाठी ओळखला जातो. त्यामुळे नेहरू स्टेडियमवर संघाच्या चाहत्यामुळे पिवळी लाट उसळलेली पाहायला मिळाली. प्रत्यक्षात सामन्यात केरळा ब्लास्टर्सचे खेळाडू अवे सामना असल्याने काळ्या, तर हैदराबादचे खेळाडू (Hyderabad FC) यलो जर्सीत खेळले. अधिकृत आकडेवारीनुसार पंडित जवाहरलाल नेहरू स्टेडियमवर 11,500 उपस्थिती होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
