जागतिक क्षयरोग दिन दरवर्षी 24 मार्च रोजी जगभरात साजरा केला जातो. हा दिवस साजरा करण्यामागचा उद्देश म्हणजे या आजाराबाबत लोकांमध्ये जनजागृती करणे हा आहे. जगभरात लाखों लोक टीबी आजाराशी झुंज देत आहेत. हा एक गंभीर संसर्गजन्य आजार असून फुफ्फुसावर याचा परिणाम होतो. हळूहळू ते मेंदू आणि मणक्यासारख्या शरीराच्या इतर भागांमध्ये पसरू शकते. हा रोग मायकोबॅक्टेरियम ट्यूबरक्युलोसिस (Mycobacterium tuberculosis) नावाच्या जीवाणूंमुळे होणारा संसर्गजन्य रोग आहे (World TB Day 2022)
टीबीचे सामान्य लक्षणे (Tb symptoms)
* टीबीच्या सर्वात सामान्य लक्षणापैकी एक खोकला आहे जो दीर्घकाळ टिकतो. हे 2-3 आठवड्यापेक्षा जास्त काळ टिकते. टीबीमध्ये (TB) येणारा खोकला कोरडा नसतो आणि त्यातून लाळ बाहेर निघते.
* खोकल्यासह रक्त बाहेर येणे
* श्वास घेतांना छातीत दुखणे
* वजन कमी होणे
* लवकर थकवा येणे
* ताप येणे
* रात्री झोपेत घाम येणे
* खूप थंडी वाजणे
* भूक न लागणे हे टीबीचे एक सामान्य लक्षण आहे.
* कोणत्या लोकांना जास्त धोका
तुमच्या मित्राला किंवा सहकाऱ्याला टीबी असल्यास, तुम्हालाही संसर्ग होण्याची शक्यता असते. रशिया, आफ्रिका, पूर्व युरोप, आशिया, लॅटिन अमेरिका आणि कॅरिबियन यासारख्या भागात राहिल्यास किंवा प्रवास केलेल्या लोकांना टीबी होण्याची शक्यता जास्त असते कारण येथे टीबी हा आजार सामान्य आहे. एचआयव्हीची लागण झालेले लोक, तुरुंगात राहणारे लोक किंवा इतर आजार असणाऱ्या लोकांना हा आजार होऊ शकते. या आजारवर उपचार करणारे लोक सुद्धा या आजाराला बळी पडतात. धूम्रपान करणाऱ्या लोकांना टीबीचा नेहमीच धोका असतो.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
