World Obesity Day: 'लठ्ठपणा' ठरु शकतो 'या' 4 आजारांचे कारण

World Obesity Day:  दिवसभर बसून काम, रात्री उशिरापर्यंत टीव्हीसमोर बसणे किंवा झोपून मोबाईल पाहत असतो. पण व्यायाम, चालणे म्हटले की नको वाटते. आपल्या लाईफस्टाईलमध्ये अॅक्टिव्हिटीच्या कमतरतेमुळे लठ्ठपणा वाढत चालला आहे.

लठ्ठपणा हे शंभर आजारांना आमंत्रण देउ शकतो असे बोलले जाते. हे खरे आहे की लठ्ठपणा वेळीच नाहीसा झाला नाही तर तो अनेक घातक आजारांना आमंत्रण देऊ शकतो. त्यामुळेच लठ्ठपणामुळे होणाऱ्या आरोग्याच्या समस्यांबाबत लोकांना जागरूक करण्यासाठी जागतिक लठ्ठपणा दिन साजरा केला जातो.

जागतिक लठ्ठपणा दिन लोकांमध्ये योग्य वजन राखण्यासाठी जागरूकता निर्माण करते. 2015 मध्ये जागतिक लठ्ठपणा फेडरेशनच्या पुढाकाराने लोकांना निरोगी वजन मिळविण्यासाठी आणि राखण्यासाठी प्रोत्साहित करण्यासाठी सुरू करण्यात आले होते.

रिबन पिन देखील लठ्ठपणा जागरूकता एक प्रतीक म्हणून प्रचार करण्यात आला. पिवळा हा लठ्ठपणा जागरुकतेचा रंग आहे. ही पिन तुम्हाला लठ्ठपणाच्या जागरूकतेचे समर्थन करत असल्याचे दाखवण्यात खरोखर मदत करते.

• लठ्ठपणामुळे उद्भवतात हे आजार

लैंगिक इच्छा संपुष्टात येणे

लठ्ठपणामुळे अनेक आजार उद्भउ शकतात. पण लठ्ठपणाचा थेट संबंध हार्मोनल असंतुलनाशी असतो. यामुळे टेस्टोस्टेरॉनची पातळी कमी होते. यामुळे लैंगिक इच्छा संपुष्टात येऊ शकते.

हृदयविकार

लठ्ठपणामुळे हृदयविकार वाढू शकतो. यामुळे उच्च एलडीएल कोलेस्ट्रॉल, कमी एचडीएल कोलेस्ट्रॉल किंवा ट्रायग्लिसराइड्सची उच्च पातळी असण्याची शक्यता वाढते. याला डिस्लिपिडेमिया देखील म्हणतात. हे सर्व हृदयरोग आणि स्ट्रोकसाठी जोखीम घटक आहेत.

टाइप 2 मधुमेह

रक्तातील साखरेची पातळी नियंत्रित करण्यासाठी शरीर ज्या प्रकारे इन्सुलिन वापरतो त्यावर लठ्ठपणा परिणाम करू शकतो. यामुळे इन्सुलिन प्रतिरोधक क्षमता आणि मधुमेहाचा धोका वाढतो. यामुळे लठ्ठ लेकांमध्ये मधुमह होण्याची शक्यता अधिक असते.

गुडघ्याची समस्या वाढू शकते

जास्त वजन असलेल्या महिलांमध्ये गुडघ्याच्या ऑस्टियोआर्थरायटिसचा धोका जवळजवळ 4 पट जास्त असतो. वजन जास्त असलेल्या पुरुषांसाठी धोका 5 पटीने जास्त असतो. सांध्यावरील यांत्रिक ताण वाढल्याने, पोटावरील चरबीमुळे शरीरात दीर्घकाळ सूज होण्याचा धोका देखील वाढू शकतो.