कला दिन हा दरवर्षी 15 एप्रिल रोजी साजरा केला आहे. कला हे नेहमीच भावनांच्या अभिव्यक्तीचे आणि अन्वेषणाचे एक शक्तिशाली माध्यम राहिले आहे. तसेच या दिवसाच्या निमित्ताने सर्वसामान्यांमध्ये विविध कलांची जागृती करण्यासाठी हा दियावस साजरा केला जातो. 15 एप्रिल 2012 रोजी प्रथमच जागतिक कला दिन म्हणून करण्यात आला. दरवर्षी जगभरातील विविध कलांशी संबंधित लोक हा दिवस 'कला दिवस' (World Art Day) म्हणून साजरा करतात आणि कला आणि कलाकारांबद्दल आदर व्यक्त करतात.
या दिवशी, आंतरराष्ट्रीय कला संघटना आणि UNESCO जगातील विविध कलांची जागरूकता निर्माण करण्यासाठी एकत्रितपणे अनेक कार्यक्रम आयोजित करतात.
* 15 एप्रिल लाच का साजरा केला जातो?
महान इटालियन चित्रकार 'लिओनार्डो दा विंची'ची 15 एप्रिल रोजी जयंती साजरी केली जाते. लिओनार्डो दा विंची हे इटालियन चित्रकार, शिल्पकार, वास्तुविशारद, संगीतकार, कुशल यांत्रिक अभियंता आणि शास्त्रज्ञ होते. कलेतील प्रवीणतेमुळे त्यांना जगभरात मानसन्मान मिळाला आणि आज त्यांच्या जयंतीनिमित्त 'जागतिक कला दिन' साजरा केला जातो.
काय आहे ध्येय
युनायटेड नेशन्स एज्युकेशनल सायंटिफिक अँड कल्चरल ऑर्गनायझेशन (UNESCO) नुसार, जागतिक कला दिनाचे उद्दिष्ट म्हणजे समाजात कलात्मक अभिव्यक्तींना एकत्रित करणे आहे. तसेच समाजामध्ये कलेचे महत्त्व आणि योगदान काय आहे हे पटवून देणे आहे. अमेरिकेतील इंटरनॅशनल असोसिएशन ऑफ आर्टने 2017 मध्ये हा दिवस साजरा करण्यासाठी मान्यता दिली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
