Anticancer Fruits: महिलांनो कॅन्सला रोखायचे असेल तर 'ही' फळे खावीत

Anticancer Fruits: कॅन्सर हा एक गंभीर आणि जीवघेणा आजार आहे. सर्व वयोगटातील लोकांना हा आजार होऊ शकतो. आरोग्य तज्ज्ञांचे मते महिलांना गर्भाशयाच्या मुखाचा आणि स्तनाचा कॅन्सर होऊ शकतो. आनुवंशिकतेसोबतच लाइफस्टाइल आणि आहार देखील योग्य पाहिजे. संशोधकांना असे आढळून आले की काही फळांमध्ये कर्करोगाचा धोका कमी करणारे घटक असतात. कॅन्सरचा धोका कमी करायचा असेल तर आहारात कोणत्या फळांचा समावेश करावा हे जाणून घेऊया.

पपई

संशोधकांच्या संशोधनानुसार पपईमध्ये लाइकोपीन हे घटक आढळते. हे एक प्रकारचे अँटिऑक्सिडेंट आहे, जे मानेच्या आणि स्तनाच्या कर्करोगापासून संरक्षण करते. पपई व्यतिरिक्त, गाजर, टोमॅटो आणि टरबूजमध्ये देखील आढळते. हृदयविकारापासून संरक्षण आणि कोलेस्ट्रॉल आणि रक्तदाब कमी करण्यासाठी या फळाचे सेवन फायदेशीर ठरू शकते, असे आरोग्य तज्ज्ञांचे म्हणणे आहे. यामुळे महिलांनी पपईचे सेवन करावे

संत्र

संत्र्यामध्ये व्हिटॅमिन सी मुबलक प्रमाणात असते. यामुळे शरीराची प्रतिकारशक्ती वाढवण्यासठी खुप फायदेशीर असते. तसेच थायामिन, फोलेट आणि पोटॅशियमसारखे अनेक घटक असतात. व्हिटॅमिन सी हे रोग प्रतिकारशक्ती वाढवण्यास मदत करते. तसेच कर्करोगाला दूर ठेवते.

द्राक्ष

कर्करोगाचा धोका कमी करण्यासाठी तुम्ही द्राक्षाचे सेवन करू शकता. यामध्ये अँटिऑक्सिडंट्स, जीवनसत्वे आणि खनिजे असतात. व्हिटॅमिन सी, पोटॅशिअम शरीराला अनेक आजारांपासून वाचवू शकते. यामुळे महिलांनी आपल्या आहारात द्राक्षांचा समावेश करावा.

सफरचंद

सफरचंद खाणे त्वचेसह आरोग्यासाठी देखील फायदेशीर असते. यामध्ये फायबर, पोटॅशिअम आणि व्हिटॅमिन सी मिळते. जे सर्व कॅन्सरपासून तुमचे संरक्षण करण्यास मदत करते. सफरचंदामध्ये आढळणारे फायबर आतड्यांसंबंधी आजार दूर ठेऊन पचनसंस्था निरोगी ठेवण्यास मदत करते.