Vastu Tips Happiness: 'या' 5 गोष्टी चुकूनही ठेऊ नका उघड्या, अन्यथा भासेल आर्थिक चणचण

Vastu Tips Happiness: वास्तुशास्त्रानुसार नियमांचे पालन केल्यास घरात सुख, समृद्धी आणि शांती लाभते. पण याकडे दुर्लक्ष केल्यास तुम्हाला अनेक आर्थिक समस्यांना सामोरे जावे लागू शकते. लोक अनेक वस्तु नकळतपणे उघड्या ठेवतात. असे करणे वास्तुशास्त्रात अशुभ मानले जाते. अशा कोणत्या गोष्टी आहेत ज्या उघड्या ठेवल्यास तुम्हाला आर्थिक समस्यांना सामोरे जावे लागू शकते.

मीठ

वास्तुनुसार मीठ चंद्राशी संबंधित आहे. सोमवारी मीठ दान केल्याने कुंडलीतील चंद्र बलवान होतो. वास्तुनुसार मीठ कधीही उघडे ठेऊ नका. कारण यामुळे कुंडलीत चंद्र कमजोर होऊ शकतो. तुम्हाला अनेक समस्यांना सामोरे जावे लागू शकते.

पुस्तक

वास्तुशास्त्रानुसार पुस्तक हे बुध ग्रहाशी संबंधित आहे. बुध, ग्रहांचा राजकुमार, मन, बुद्धी आणि वाणीसाठी जबाबदार आहे. त्यामुळे तुम्ही जर पुस्तक वाचत नसाल तर ते कधीही उघडे ठेवू नका. असे केल्याने कुंडलीत बुध ग्रह कमजोर होतो. त्यामुळे पुस्तक उघडे ठेवू नये.

जेवण

वास्तुनुसार जेवण कधीही उघडे ठेवू नये. कारण असे केल्याने माता अन्नपूर्णेचा अपमान होतो. त्यामुळे घरात अन्नधान्य आणि पैशाची चणचण निर्माण होऊ शकते. तसेच जेवण उघडे ठेवल्यास अन्न दूषित होऊ शकते. यामुळे तुम्हाला पोटासंबंधित आजार होऊ शकतात.

दुध

दूध आणि दही दान केल्याने कुंडलीतील शुक्र आणि चंद्र बलवान होतात. म्हणून सोमवार आणि शुक्रवारी दूध आणि दही दान करणे शुभ मानले जाते. त्याचबरोबर दूध आणि दही उघडे ठेवल्याने कुंडलीतील शुक्र ग्रह कमजोर होतो. तसेच याचा आरोग्यावर देखील वाईट परिणाम होऊ शकतो. यामुळे चुकूनही दुध आणि दही उघडे ठेऊ नका.

कपाट

अनेक लोक घाईत असल्यावर कपडे किंवा पैसे घेतल्यावर किंवा ठेवल्यानंतर अनेकदा कपाट उघडे ठेवतात. वास्तुनुसार असे करणे अशुभ मानले जाते. वास्तुशास्त्रानुसार तज्ज्ञांच्या मते, कपाट उघडे ठेवल्याने माता लक्ष्मी नाराज होऊ शकते. यामुळे घरातील सुख-समृद्धी देखील कमी होऊ शकते.