Vastu Tips: घरात मनी प्लांट लावताना 'हे' नियम फॉलो न केल्यास होऊ शकते आर्थिक नुकसान

Vastu Tips: वास्तुशास्त्रानुसार घरात झाडे लावणे शुभ मानले जाते. पण घरात झाडे लावताना काही गोष्टीची काळजी घेणे गरजेचे आहे. वास्तुशास्त्रातील नियम पाळल्यास घरात सुख-शांती लाभते.

घरात मनी प्लांट लावणे शुभ मानले जाते. असे मानले जाते की ज्या घरात हे रोप असते त्या घरात कधीही पैशाची कमतरता भासत नाही. म्हणूनच अनेक लोक मनी प्लांट घरी लावतात. मनी प्लांट घराचे सौंदर्य वाढवते. पण त्याची काळजी घेणे देखील गरजेचे आहे.

वास्तूनुसार हे रोप कुठे लावावे आणि कशी काळजी घ्यावी हे जाणून घेऊया.

कोणते नियम फॉलो करावे

मनी प्लांट घरात सुख, समृद्धी आणि सकारात्मकता टिकून ठेवते. त्यामुळे घराबाहेर हे रोप कधीही लावू नये.

मनी प्लांट नेहमी घराच्या मुख्य प्रवेशद्वाराच्या आतच लावावे.

एखादी व्यक्ती कितीही खास असली तरी त्याच्यासोबत मनी प्लांट भेट म्हणून देऊ नये. असे केल्याने तुम्हाला आर्थिक समस्यांना सामोरे जावे लागू शकते.

वास्तुशास्त्रानुसार मनी प्लांट कधीही उत्तर-पूर्व दिशेला ठेवू नये. या दिशेला मनी प्लांट लावल्याने आर्थिक समस्या निर्माण होऊ शकतात.

वास्तुनुसार मनी प्लांट लावण्यासाठी आग्नेय दिशा उत्तम मानली जाते. ही दिशा शुभ आहे. कारण ही श्रीगणेशाची दिशा मानली जाते.

तसेच मनी प्लांट नेहमी हिरवागार ठेवावा.  सुकलेले मनी प्लांट घरात ठेवल्यास अशुभ मानले जाते.

जर तुमच्या घरी मनी प्लांट असेल तर त्याला वेळोवेळी पाणी देत ​​राहा. जर मनी प्लांट काचेच्या बाटलीत किंवा भांड्यात लावला असेल तर त्याचे पाणी देखील बदलत रहा.

वास्तुशास्त्रानुसार मनी प्लांट कोणालाही भेट देऊ नका. त्यामुळे सुख-समृद्धी कमी होते.

मनी प्लांट प्लास्टिकच्या बाटलीत किंवा भांड्यात लावू नका. मनी प्लांट लावण्यासाठी मातीचे भांडे वापरणे शुभ मानले जाते.

मनी प्लांटचे रोप जमिनिला स्पर्श करू देऊ नका. त्याला नेहमी जमिनीच्यावर ठेवावे.