Vastu Tips: घरात 'या' दिशेला कपडे ठेवणे मानले जाते अशुभ, वाचा सविस्तर

Right Direction For Cloths: वास्तुशास्त्रानुसार घरात ठेवलेल्या प्रत्येक वस्तुचे खास महत्व आहे. त्या वस्तु ठेवण्यासाठी योग्य जागा वास्तुमध्ये सांगितले आहे. तसेच घरात कोणती वस्तु कुठे ठेवावी हे सांगितलेले आहे. कारण योग्य दिशेला वस्तु न ठेवल्यास घरात नकारात्मकता येऊ शकते.

घरामध्ये कपडे ठेवण्याच्या योग्य जागेबाबत वास्तुशास्त्रात काही काही नियम सांगितलेले आहेत. जर तुम्हाला तुमच्या जीवनात सकारात्मकता आणि संतुलन हवे असेल तर तुमचे कपडे योग्य दिशेने ठेवणे गरजेचे आहे. वास्तुशास्त्रानुसार कपडे कोणत्या दिशेला ठेवावे हे जाणून घेऊया.

• उत्तर पूर्व दिशा

वास्तुशास्त्रानुसार स्वच्छ कपड्यांसाठी उत्तर किंवा पूर्व दिशेला ठेवणे गरजेचे असते. कारण उत्तर दिशा ही धनाची देवता कुबेर यांची असते. यामुळे ही दिशा शुभ मानली जाते. उत्तर दिशेला कपडे ठेवल्याने धनाची हानी होत नाही. याशिवाय पूर्व दिशा ही सूर्याची दिशा असून ती नवनिर्मिती आणि उर्जेसाठी शुभ मानली जाते.

• पुर्व-उत्तर

वास्तुशास्त्रानुसार अस्वच्छ कपडे पूर्व-उत्तर दिशेला ठेवणे अशुभ मानले जाते. कारण ही दिशा भगवान बृहस्पतिशी संबंधित आहे आणि बृहस्पति बुद्धी आणि उत्तम आरोग्याचे प्रतीक आहे. त्यामुळे या दिशेला अस्वच्छ कपडे ठेवल्यास आरोग्याशी संबंधित समस्यांना सामोरे जावे लागू शकते.

• उत्तर दिशा

उत्तर दिशा ही धन आणि संपत्तीचे देवता कुबेर यांच्याशी संबंधित आहे. त्यामुळे चुकूनही अस्वच्छ कपडे या दिशेला ठेवू नका. त्यामुळे आर्थिक समस्या वाढू शकतात.

• पूर्व दिशा

वास्तुशास्त्रानुसार पूर्व दिशा ही सर्वात महत्वाची दिशा आहे आणि ती सूर्यदेवाची दिशा मानली जाते. त्यामुळे मुलांनी या दिशेला अस्वच्छ कपडे ठेवणे टाळावे. कारण त्यामुळे घरातील मुलांच्या आरोग्यावर विपरित परिणाम होऊ शकतो.

(Disclaimer - या लेखात देण्यात आलेली माहिती ही सर्वसामान्य ज्ञानावर आधारित असून अवलंब करण्यापूर्वी तज्ज्ञांचा सल्ला घ्यावा.)