Tulsi Leaves Benefits: तुळशीच्या पानांचा थेट आरोग्याशी संबंध; 'या' आजारांपासून होते सुटका

Tulsi Leaves Benefits: रोग टाळण्यासाठी, औषधी वनस्पती प्राचीन काळापासून वापरल्या जात आहेत. यामुळे अनेक गंभीर आजारांपासून दूर राहण्यास मदत होते. तुळशीच्या रोपाला हिंदू धर्मात अत्यंत पवित्र मानले जाते आणि तिची पूजा केली जाते. बहुतेक घरांच्या अंगणात तुळशीचे रोप असतेच.

तुळशीमध्ये अनेक औषधी गुणधर्म असतात आणि त्याच्या पानांचे सेवन केल्यास अनेक आजारांपासून आराम मिळतो. तुम्हाला हे जाणून आश्चर्य वाटेल की तुळशीच्या पानांमध्ये असलेले व्हिटॅमिन्स, मिनरल्स आणि अँटीऑक्सिडंट्स तुम्हाला अनेक धोकादायक आजारांपासून वाचवण्यात मदत करतात. अनेक संशोधनांतूनही ही गोष्ट सिद्ध झाली आहे. आज आम्ही तुम्हाला तुळशीच्या पानांचे सेवन केल्याने होणारे फायदे सांगणार आहोत.

तुळशीमध्ये अनेक जीवनसत्त्वे आणि खनिजे असतात. ल्युटीन, झेक्सॅन्थिन, बीटा-कॅरोटीन आणि बीटा-क्रिप्टोक्सॅन्थिन यांसारखे अँटिऑक्सिडंट देखील असतात. हे सर्व अँटिऑक्सिडंट्स आरोग्यासाठी खूप फायदेशीर आहेत. तुळशीचे सेवन करायचे असेल तर नेहमी ताज्या पानांचे सेवन करावे. तुळशीच्या पानांमध्ये कॅल्शियम, व्हिटॅमिन ए, व्हिटॅमिन के, मॅंगनीज, मॅग्नेशियम, लोह, जस्त आणि पोटॅशियम यांसारखे पोषक घटक आढळतात. हे सर्व घटक शरीराला शक्ती देतात.

तुळशीची पाने खाण्याचे 5 मोठे फायदे...

• तुळशीमध्ये असलेले अँटीऑक्सिडंट्स शरीरातील फ्री रॅडिकल्सशी लढतात आणि पेशींना होणारे नुकसान टाळतात.

• तुळशीतील फायटोकेमिकल्स विविध प्रकारचे कर्करोग रोखण्यासाठी उपयुक्त ठरू शकतात.

• यामध्ये असलेले पोषक तत्व रक्तदाब आणि कोलेस्ट्रॉल कमी करतात, ज्यामुळे हृदयविकारापासून बचाव होतो.

• तुळशीचे सेवन केल्याने मानसिक आरोग्य चांगले राहते, असे अनेक संशोधनातून समोर आले आहे.

• तुळशीमध्ये बॅक्टेरियाविरोधी गुणधर्म असतात. यामुळे श्वसन, मूत्र, पोट आणि त्वचेचे संक्रमण टाळता येते.

तुमच्या आहारात तुळशीचा समावेश केल्यास रक्तातील साखरेचे प्रमाण कमी होण्यास मदत होते. मधुमेह असलेल्या उंदरांवर केलेल्या अभ्यासात असे दिसून आले आहे की तुळशीचा अर्क खाल्ल्याने त्यांच्या रक्तातील साखर कमी होण्यास मदत होते. उच्च रक्तातील साखरेच्या दीर्घकालीन परिणामांवर उपचार करण्यासाठी देखील तुळशी उपयुक्त ठरू शकते. मधुमेहाची समस्या असलेल्या लोकांसाठी तुळशीचे सेवन खूप फायदेशीर ठरू शकते.