Home Remedies For Period Rash: मासिक पाळीत पॅड रॅशेसचा होतोय त्रास? वापरा 'या' 4 ट्रिक्स

Home Remedies For Period Rash: मासिक पाळी येणे ही एक नैसर्गिक प्रक्रिया आहे. या काळात महिलांना मुड स्विंग होतात. तसेच गॅस होणे, पाय दुखणे, पोट दुखणे अशा अनेक समस्यांना सामोरे जावे लागते.

अनेक महिलांना सॅनिटरी पॅड्सचा वापर केल्याने रॅशची समस्याही होऊ लागते. या समस्येमध्ये, प्रत्येकाला खूप अस्वस्थ वाटू लागते. कारण या रॅशेसमुळे तीव्र खाज सुटू लागते. या समस्येपासून सुटका मिळवण्यासाठी तुम्ही काही घरगुती उपाय वापरू शकता.

• बेकिंग पावडर

मासिक पाळी दरम्यान तुम्हाला जर खाज किंवा लालसरपणा येत असेल तर कमी करण्यासाठी तुम्ही बेकिंग सोडा वापरू शकता. यासाठी दोन चमचे बेकिंग पावडर घ्या आणि एक कप पाण्यात मिक्स करा. हे मिश्रण पुरळांवर लावा आणि ते सुकू द्यावे. नंतर थंड पाण्याने धुवावे. धुतल्यानंतर स्वच्छ टॉवेल किंवा मऊ कापडाने प्रभावित क्षेत्र कोरडे करा.

• अ‍ॅपल सायडर व्हिनेगर

अ‍ॅपल सायडर व्हिनेगर त्वचेवर होणारी खाज कमी करण्यास मदत करते. यासाठी तुम्ही थोड्या प्रमाणात अ‍ॅपल सायडर व्हिनेगर घ्यावे आणि त्यात कापसाचा गोळा बुडवून रॅशेसवर लावावे. नंतर ते सुकू द्यावे. तुम्ही हे दिवसातून तीनदा करू शकता.

• बर्फ

मासिक पाळीत होणारी वेदना आणि सूज कमी करण्यासाठी बर्फ फायदेशीर ठरतो. तुम्हाला फक्त दोन बर्फाचे तुकडे घ्यायचे आहेत, ते एका स्वच्छ कपड्यात गुंडाळून प्रभावित भागावर लावायचे आहेत. असे केल्याने मज्जातंतू सुन्न होईल आणि तुम्हाला लगेच आराम मिळेल.

• खोबरेल तेल

खोबरेल तेलामध्ये अँटी-बॅक्टेरियल गुण असतात. अशावेळी हे तेल रॅशवर उत्तम उपाय आहे. हे तुमच्या त्वचेला मॉइश्चराइझ देखील करते. ते लावण्यासाठी रात्री झोपण्यापूर्वी प्रभावित भाग थंड पाण्याने स्वच्छ करा आणि कापसाच्या बॉलने त्या रॅशेसवर खोबरेल तेल लावावे. रात्रभर राहू द्यावे. तुम्ही हे तेल सकाळी आंघोळीनंतरही लावू शकता.

टिप: कोणतेही साबण, बॉडी वॉश, किंवा व्हॅसलिनचा वापर करू नका.