नातेसंबंध खूप नाजूक असतात आणि जेव्हा पती-पत्नीचा विचार येतो तेव्हा त्यांना प्रत्येक पाऊल अतिशय काळजीपूर्वक उचलावे लागते. तुमचं नातं सांभाळताना प्रत्येक गोष्टीचा समतोल साधणं नवरा-बायकोवर अवलंबून असतं. मात्र, कधी-कधी रिलेशनशिपमध्ये (relationship) अशा काही गोष्टी घडतात, ज्यामुळे तुमचा पार्टनर कधी तुमच्यापासून दूर जातो हे तुम्हाला कळतही नाही. परंतु याची अनेक कारणे असू शकतात, ज्यामध्ये तणाव, विश्वासघात यासारख्या गोष्टींचा समावेश असू शकतो.
अनेक वेळा तुमचा जोडीदार खरोखरच व्यस्त आहे की तो तुमच्यापासून दूर गेला आहे या द्विधा मन:स्थितीत तुम्हीही पडता. तुमचा नवरा तुमच्यावर खरोखर प्रेम करतो की नाही हे तुम्ही काही सोप्या मार्गांनी शोधू शकता.
बेड शेअर करण्यात अडचण
पती-पत्नीच्या नात्यात जेवढे प्रेम आणि विश्वास असतो, तेवढेच महत्त्व त्यांच्यातील जिव्हाळ्याचे असते. पण जर तुमचा नवरा तुमच्यापासून दूर पळू लागला तर नक्कीच काही समस्या आहे. कधीकधी एखाद्या गोष्टीवरून भांडण झाल्यामुळे एकमेकांशी बोलत नाहीत. तुम्ही झोपताना पूर्वी एकच पलंग वापरत होता, परंतु जर तुमचा नवरा आता यात रस दाखवत नसेल तर तुम्हाला गंभीर होण्याची गरज आहे.
दुर्लक्ष करणे
जेव्हाही तुम्ही तुमच्या पतीशी बोलण्याचा प्रयत्न करता आणि तो तुमच्याकडे दुर्लक्ष करण्याचा प्रयत्न करतो तेव्हा त्याला तुमच्याबद्दल काहीच वाटत नाही. बोलण्याचा प्रयत्न करूनही, जर तो तुमच्यापासून दूर जाण्याचा प्रयत्न करताना दिसला, तर याचा अर्थ त्याच्या मनात तुमच्याबद्दल प्रेम राहिलेले नाही. असे देखील होऊ शकते की त्याच्या आयुष्यात दुसरे कोणीतरी आले आहे, ज्याच्याकडे तो आकर्षित झाला आहे आणि आपल्यापासून दूर जाऊ लागला आहे.
बोलण्यात रस नाही
नात्यात संवाद खूप महत्त्वाचा असतो. जर तुमचा नवरा तुमच्याशी कोणत्याही गोष्टीबद्दल बोलणे आवश्यक मानत नसेल आणि अनेकदा तुम्हाला काहीही न सांगता कामावर गेला असेल तर त्याला या नात्यात विशेष रस नाही. पती-पत्नीमध्ये भांडण असणे देखील चांगले लक्षण मानले जाते. पण जर तुम्ही तुमच्या पतीशी जास्त बोलत नसाल तर हे सूचित करते की तो तुमच्यावर आता प्रेम करत नाही. असे नाते पुढे नेणे भविष्यात तुम्हाला अधिक त्रासदायक ठरू शकते.
प्रशंसा करणे
काही लोकांना अशी सवय असते की ते आपल्या जोडीदाराची क्वचित प्रशंसा करतात. जर तो तुमचे कपडे, दिसणे आणि तुम्ही तयार केलेल्या जेवणाची अजिबात प्रशंसा करत नसेल तर तुम्ही त्याबद्दल गंभीर व्हायला हवे. तुम्ही त्याच्याशी याविषयी मोकळेपणाने बोलले पाहिजे आणि त्याच्या अशा वागण्याचे स्पष्ट कारण विचारले पाहिजे.
आत्मीयता देखील आवश्यक आहे
पती (husband) -पत्नीच्या नात्यात कितीही भांडण-मारामारी होत असली तरी दोघांमध्ये क्वालिटी टाइम कायम राखला पाहिजे. जेव्हा तुमचा पार्टनर तुमच्यावर प्रेम करतो तेव्हा तो तुमच्यापासून जास्त काळ दूर राहू शकत नाही. पण जर तो स्वत:हून तुमचे लैंगिक जीवन संपवण्याचा प्रयत्न करत आहे असे वाटत असेल, तर साहजिकच तो आता तुमच्यावर प्रेम करत नाही. तुमचे जुने दिवस आठवून, तुमच्या पतीमध्ये आता काय बदल झाले आहेत हे तुम्हाला जाणवेल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
