Bad Food For Health: आजच 'हे' पदार्थ खाणे करा बंद, अन्यथा रोगप्रतिकारशक्ती होईल कमी

List of Bad Food For Health: निरोगी शरीरासाठी पोषक आहाराची गरज असते. बदलत्या वातावरणात अनेक आजार टाळण्यासाठी आणि जंतूंशी लढण्याची क्षमता असलेल्या अशा पदार्थांचे सेवन केले पाहिजे. तसेच, जेणेकरुन आपल्या शरिरातील रोगप्रतिकारक शक्ती वाढण्यास मदत मिळते.

जेव्हा आपल्या शरीराची रोगप्रतिकारक शक्ती मजबूत असते, तेव्हा ते आपल्याला अनेक प्रकारचे संक्रमण, विषाणू आणि परजीवीपासून संरक्षण करण्यास मदत करते.

गंभीर आजारांपासून दूर राहण्यासाठी रोगप्रतिकारक शक्ती मजबुत असणे गरजेचे आहे. पण जर तुम्ही काही पदार्थ अति-प्रमाणात खाल्ल्यास तुमची रोगप्रतिकारक शक्ती कमकुवत होऊ शकते. जाणून घेऊया कोणते पदार्थ खाणे टाळावे.

• प्रोसेस केलेले पदार्थ

सध्याच्या फास्ट लाइफमध्ये प्रोसेस केलेले पदार्थ अधिक खालले जातात. हे पदार्थ खायला तर चवदार असतात. पण आपल्या आरोग्यासाठी धोकादायक ठरू शकतात. हे पदार्थ अनहेल्दी असतात.

प्रोसेस केलेल्या पदार्थांमध्ये सोडिअमचे प्रमाण अधिक असते. तसेच यामध्ये आर्टिफिशिअल प्रिजर्वेटिव्ह आणि अनहेल्दी फॅट असतात. यामुळे आपली रोगप्रतिकारशक्ती कमकुवत होते.

• तेलकट पदार्थ

जर तुम्ही तेलकट पदार्थ खात असाल तर तुमची रोगप्रतिकारशक्ती कमकुवत होऊ शकते. कारण असे पदार्थ खायला तर चवदार असतात पण आरोग्यासाठी हानिकारक असतात.

जर तुम्ही तेलकट पदार्थांचे अतिसेवन करत असाल तर पोटा संबंधित आजार उद्भवू शकतात.

•  कॅफिनयुक्त पदार्थ

काही लोक कॅफीनयुक्त पदार्थांचे अतिसेवन करतात. यामुळे तुम्हाला निद्रानाश समस्येचा त्रास होऊ शकतो.

जास्त कॅफिन असलेले पदार्थ खाल्ल्याने झोप येते, पण पुरेशी झोप न घेतल्याने तुमची रोगप्रतिकारक शक्ती कमकुवत होऊ शकते. म्हणूनच तुमच्या झोपेची वेळ एकच ठेवणे गरजेचे आहे.  

• गोड पदार्थ

जर तुम्ही जास्त गोड पदार्थ खात असाल तर तसे करणे टाळावे. ज्या पदार्तांमध्ये साखर कमी आहे त्या पदार्तांचे सेवन करावे.

यामुळे पांढऱ्या रक्तपेशी कमकुवत झाल्यामुळे तुम्ही इतर आजारांना बळी पडू शकता.