Why Does PRS Syndrome Occur? Causes, Symptoms & Diagnosis
जगभरात अनेक प्रकारचे आजार आहेत. या आजारांपैकी एक म्हणजे पियरे रॉबिन सिंड्रोम (पीआरएस), जो एक प्रकारचा जन्मदोष आहे. या आजाराने ग्रस्त असणाऱ्या मुलांचे जबडे विकसित होत नाही, ज्यामुळे त्यांना श्वास घेण्यास त्रास होतो. या आजाराने ग्रस्त असलेल्या मुलांवर शस्त्रक्रिया करावी लागते. दरम्यान, जरी हा एक दुर्मिळ आजार असला तरी भारतात त्याचे रुग्ण गेल्या काही दिवसात आढळले आहेत. दिल्लीतील लेडी हार्डिंग मेडिकल कॉलेजशी संलग्न असलेल्या कलावती सरन रुग्णालयात पीआरएसने ग्रस्त असणाऱ्या 70 मुलांवर शस्त्रक्रिया करण्यात आली. कलावती रुग्णालय हे मुलांच्या उपचारांच्या बाबतीत देशातील सर्वात मोठे रुग्णालय मानले जाते.
पियरे रॉबिन सिंड्रोम (पीआरएस) हा गर्भाशयात बाळाच्या विकासादरम्यान होतो. या सिंड्रोममुळे बाळाच्या जबड्यावर आणि तोंडावर परिणाम होतो, ज्यामुळे त्याला श्वास घेणे, स्तनपान करणे किंवा बाटलीतून दूध पिणे देखील कठीण होते. लेडी हार्डिंग मेडिकल कॉलेज आणि असोसिएटेड हॉस्पिटल्समधील ओरल मॅक्सिलोफेशियल सर्जरी विभागाचे संचालक डॉ. प्रवेश मेहरा यांनी या आजाराबद्दल सांगितले आहे.
डॉ. मेहरा यांनी सांगितले की, गेल्या 5 वर्षांत रुग्णालयात पियरे रॉबिन सिंड्रोमने ग्रस्त 70 मुलांवर शस्त्रक्रिया करण्यात आली आहे. शस्त्रक्रिया झालेल्या मुलांचे वय 7 दिवस ते 15 वर्षे होते. पियरे रॉबिन सिंड्रोमने ग्रस्त असलेल्या मुलाला प्रामुख्याने तीन प्रकारच्या समस्यांना तोंड द्यावे लागते. यामुळे मुलांना श्वास घेण्यास त्रास होतो. ऑक्सिजन (Oxygen) सपोर्टचीही गरज भासू शकते.
गर्भाशयात गर्भाच्या विकासादरम्यान होणारे काही अनुवांशिक बदल गर्भाच्या चेहऱ्याच्या संरचनेच्या निर्मितीचा क्रम बदलू शकतात. जेव्हा मुलाचा जबडा जसा आपेक्षित आहे तसा विकसित होत नाही, तेव्हा त्याची जीभ मागे सरकते. या आजारामुळे मुलाला श्वास घेण्यास त्रास होतो. मुलाला खायला घालणे देखील कठीण होते. रोगाचे निदान करण्यासाठी संगणकीय टोमोग्राफी (सीटी) स्कॅन केली जाते.
या आजाराचा उपचार मँडिब्युलर डिस्ट्रक्शन ऑस्टियोजेनेसिसने केला जातो. या शस्त्रक्रियेमुळे मुलाच्या जबड्याचा आकार बदलतो, ज्यामुळे तो बरा होण्यास मदत होते. याशिवाय, ट्रेकेओस्टोमी देखील वापरली जाते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.