Palak Paratha Recipe: उन्हाळ्याच्या दिवसांत खा 'हा' हेल्दी पराठा

लहान मुलांच्या उन्हाळ्याच्या सुट्टीची सुरुवात लवकरच सुरु होईल. अशातच, प्रत्येकजण फिरायला जाण्याचा प्लॅन करत असेल. प्रवासा दरम्यान अनेक वेळा लोकांना घरचे अन्न घेऊन जायला आवडते. परंतु, उन्हामुळे पदार्थ लवकर खराब होऊ शकतात. अशा वेळी तुम्ही पालक पराठा बनवून नेऊ शकता. हा चवदार आणि झटपट तयार होणारा आहे. चला तर मग जाणून घेऊया या पराठ्याची रेसिपी. (Palak Paratha Recipe news)

* पालक पराठा बनविण्यासाठी साहित्य :

2 कप गव्हाचे पीठ
1/2 कप बेसन
3/4 कप पालकाची पेस्ट
1 हिरवी मिरची
1 आले
1/2 टीस्पून हळद
1/2 टीस्पून लाल तिखट
1/2 टीस्पून जिरे
1/2 टीस्पून अजवाईन
1 टीस्पून कसुरी मेथी
1 चमचा हिंग
1/4 टीस्पून गरम मसाला
1 चमचा तूप
4 टीस्पून दही
चवीनुसार मीठ

* कृती

सर्वात पहिले पालक स्वच्छ धुवून घ्यावे. नंतर मिक्सरमध्ये हिरवी मिरची, आले पालक टाकून बारीक पेस्ट तयार करावी. आता गव्हाचे पीठ, बेसन, दही, मीठ, हळद, लाल तिखट, जिरे, कस्तुरी मेथी, हिंग,गरम मसाला आणि तूप मिक्स करून पीठ मळून घ्यावे.आता त्यात पालक प्युरी घाला आणि सर्वकाही चांगले मिसळा. नंतर गरजेनुसार पाणी घालून मऊ पीठ मळून घ्या.पीठ सुमारे 20 मिनिटे झाकून ठेवा. आता थोडं तूप घालून पीठ मॅश करून पीठ बनवा.नंतर पराठे बनवा आणि छान बाजून घ्यावे. तुम्ही पालक पराठे लोणचे किंवा दह्यासोबत प्रवासामध्ये खाऊ शकता.