नव्या वर्षाचं स्वागत करताना 'ही' घ्या काळजी

नवीन वर्षाच्या (New Year) पार्ट्यांचे पर्व सुरू झाले आहे. अशा परिस्थितीत जुन्या वर्षाचा निरोप घेऊन नवीन वर्षाचे स्वागत आपल्या कुटुंबीयांसह किंवा मित्रमंडळींसोबत करायचे असते. मित्रांसोबत किंवा कुटुंबियांसोबत पार्टीचा उत्साह शिगेला असतो. खासकरून तरुणांना न्यू इयर पार्टीचे वेड लागले आहे. अनेक शहरांतील रेस्टॉरंट, पब, डिस्कोमध्ये नवीन वर्षाच्या सेलिब्रेशनची तयारी सुरू झाली आहे.

या उत्सवाचे कोणत्याही प्रकारच्या अपघातात रूपांतर होऊ नये यासाठी नृत्य, संगीत आणि पेये यांच्यासोबत सुरक्षिततेची काळजी घेणे अत्यंत आवश्यक आहे. अनेक वेळा तरुणांमध्ये नववर्षाची क्रेझ इतकी असते की, त्यांना आपल्या सुरक्षिततेचा विसर पडतो. या पार्ट्यांच्या वातावरणात अनेकदा मुलींची सुरक्षा (Security) धोक्यात येते. मुलींनी मित्रांसोबत किंवा मैत्रिणींसोबत पार्टीमध्ये (Party) एन्जॉय करण्यासोबतच त्यांच्या सुरक्षेची पूर्ण काळजी घेतली पाहिजे जेणेकरून एन्जॉय केल्यानंतर तुम्ही सुरक्षितपणे घरी पोहोचू शकाल.