Malaria Home Remedies: मलेरियावर 6 घरगुती पदार्थ ठरतील रामबाण उपाय

हिवाळ्यात आरोग्याची काळजी घेणे खुप आवश्यक असते. हिवाळ्यात अनेक आजार डोके वर काढतात. मलेरिया हा भारतातील सर्वात धोकादायच आजारांपैकी एक आहे. हा आजार अॅनोफिलीस या डास मादीच्या चावल्याने होतो. मलेरियाच्या उपचारासाठी तुम्ही घरगुती उपायांचा वापर करु शकतात.

मलेरियाची लक्षणे साधारणपणे 10 दिवस ते 4 आठवड्यांत दिसू लागतात आणि नंतर संसर्ग होतो. काही लोकांमध्ये काही महिने लक्षणे देखील विकसित होऊ शकत नाहीत. मलेरियाच्या सामान्य लक्षणांमध्ये डोकेदुखी, ताप, पोटदुखी, उलट्या, मळमळ, अतिसार आणि अशक्तपणा यांचा समावेश होतो.

मलेरियावर कोणते उपाय करावे

• आंबट फळे

आंबट फळांमध्ये असलेल्या गुणधर्मांमुळे रोग प्रतिकारशक्ती वाढते. यामध्ये असलेले व्हिटॅमिन सी ताप नियंत्रित करण्यास मदत करते. तसेच संसर्गाचा प्रसार रोखते आणि शरीराला लवकर बरे होण्यास प्रवृत्त करते. द्राक्ष, संत्री, लिंबू आणि ब्लॅकबेरी सारखी लिंबूवर्गीय फळे तुमच्या शरीराला पूरक आहार देतात.

• आलं

आलं मलेरियावरही खूप उपयुक्त घरगुती उपाय आहे. यामध्ये असलेले गुणधर्म बॅक्टेरियाच्या वाढीस प्रतिबंध करतात. आल्यामध्ये प्रतिजैविक आणि दाहक-विरोधी गुणधर्म देखील असतात. जे वेदना आणि मळमळ यासारख्या लक्षणांपासून आराम देऊ शकतात

• हळद

हळद हा अप्रतिम अँटिऑक्सिडेंट आणि प्रतिजैविक गुणधर्म असलेला एक सुपर स्वयंपाक घरातील मसाला आहे. हळद प्लाझमोडियम संसर्गामुळे तयार झालेल्या शरीरातील हानिकारक विषारी पदार्थ बाहेर टाकण्यास मदत करते.

मलेरियाच्या परजीवी नष्ट करण्यातही हळद मदत करते. विरोधी दाहक गुणधर्म स्नायू आणि सांधेदुखी कमी करण्यास मदत करतात. जे मलेरियामध्ये सामान्य आहेत. मलेरियाचा सामना करण्यासाठी, दररोज रात्री एक ग्लास हळदीचे दूध प्यावे.

• दालचिनी

दालचिनीमध्ये दाहक-विरोधी, अँटीऑक्सिडंट आणि प्रतिजैविक गुणधर्म असतात. जे मुख्यत्वे मलेरियाच्या लक्षणांचा सामना करण्यास मदत करतात. एक स्वादिष्ट मिश्रण बनवण्यासाठी तुम्ही गरम पाण्यात दालचिनी आणि काळी मिरी पावडर दोन्ही मिक्स करू शकता. चव वाढवण्यासाठी तुम्ही त्यात थोडे मध घालू शकता. हे पेय दिवसातून किमान दोनदा सेवन करु शकता. भारतीय स्वयंपाकघरात दालचिनी हा सर्वात जास्त वापरल्या जाणार्‍या मसाल्यांपैकी एक आहे

• मेथी दाणे

मलेरियाची लागण झालेल्या लोकांना अशक्तपणा अधिक येतो. या प्राणघातक आजारामुळे येणारी अशक्तपणा कमी करण्यासाठी मेथीचे दाणे हा एक उत्तम घरगुती उपाय मानला जातो. ते तुमची प्रतिकारशक्ती वाढवून आणि मलेरियाच्या परजीवींना मारून मलेरियाची उपचार प्रक्रिया वाढवतात. मेथी दाणे रात्रभर पाण्यात भिजवून ठेवावे आणि सकाळी रिकाम्या पोटी ते पाणी प्यावे.