Morning Drink: दूधाचा चहा नाही तर रोज सकाळी प्या 'हे' हेल्दी ड्रिंक्स, पोटासंबंधित समस्या होतील दूर

Morning Drink: हिवाळ्यात आरोग्याची खास काळजी घेणे अत्यंत आवश्यक आहे. कारण या दिवसांमध्ये सर्दी, खोकला, मायग्रेन आणि केस गळणे यासारख्या समस्या सामान्य होतात. अशावेळी जर तुम्हाला आजारांपासून दूर राहायचे असेल, तर तुम्हाला तुमच्या आहाराकडे थोडे लक्ष द्यावे लागेल आणि चांगली लाइफस्टाइल निवडावी लागेल. 

दररोज सकाळी या हेल्दी ड्रिंकचे सेवन केल्यास अनेक गंभीर आजार दूर राहतील. हे पेय तुम्ही घरच्या घरी सहज तयार करू शकता, तुम्हाला ते बनवण्यासाठी जास्त कष्ट करावे लागणार नाहीत. हे खास पेय बनवण्याचा सर्वोत्तम मार्ग कोणता आहे आणि त्याचे आरोग्यासाठी कोणते फायदे आहेत हे जाणून घेऊया.

• साहित्य

2- ग्लास पाणी

7- कढीपत्ता

3 - ओव्याचे पानं

1- टेबलस्पून धणे

1- टीस्पून जिरे

1- विलायची

1- तुकडा आलं

कृती

हे पेय तयार करण्यासाठी सर्वात पहिले एका पातेल्यात पाणी टाकून ते गरम करावे. पाणी उकळल्यावर त्यात कढीपत्ता, ओवा, धणे, जिरं, विलायची आणि किसलेले आलं वरील सर्व साहित्य टाकावे. यानंतर किमान पाच मिनिटे उकळवे. उकळी आल्यावर गाळून प्यावे.

कढीपत्ता

कढीपत्ता केस गळणे आणि वजन नियंत्रित ठेवण्यास मदत करते. याशिवाय, ते साखरेची पातळी कमी करते आणि हिमोग्लोबिन सुधारण्यास मदत करते.

ओव्याची पानं

ओव्याची पानं सूज येणे, अपचन, सर्दी, मधुमेह, दमा आणि वजन कमी करण्यासाठी खूप उपयुक्त आहेत.

धणे

धण्याचे सेवन केल्याने चयापचय सुधारते, मायग्रेन, थायरॉईड आणि हार्मोनल असंतुलन देखील सुधारते.

जिरा

साखर, वजन कमी करणे, अॅसिडिटी, मायग्रेन, कॉलेस्ट्रॉल नियंत्रित करण्यासाठी जिरे फायदेशीर आहे. याच्या सेवनाने पोटाशी संबंधित समस्याही दूर होतात.

विलायची

याशिवाय मोशन सिकनेस, मळमळ, मायग्रेन, उच्च रक्तदाब आणि केस आणि त्वचेसाठीही विलायची खूप गुणकारी आहे.

आलं

आल्यामध्ये असलेले घटक अपचन, गॅस, वजन कमी करण्यास मदत होते.