Methi Mathri Recipe: थंडीमध्ये चहासोबत आस्वाद घ्या मेथी मठरीचा

मेथी मठरी (Methi Mathri) ही उत्तर भारतीय भागातील रेसिपी आहे. मेथी मथरी खास सणाला तयार केली जाते. यांची चव खारट असते. या कुरकुरीत मेथी मथरीचा तुम्ही कप गरम चहा किंवा कॉफीसोबत आनंद घेवू शकता. मैदा, तेल, मेथीचे पाने, ओवा आणि स्वादानुसार मीठ टाकून तयार केले जाते. हा पदार्थ स्नॅक्स (Snacks) म्हणून देखील करू शकता. खराब होऊ नये म्हणून हवाबंद डब्ब्यात ठेवावा. तुम्ही किटी पार्टी, पिकनिक आणि रोड ट्रिपमध्ये सोबत घेवून जावू शकता. हिवाळ्यात विविध हिरव्या पालेभाज्या येतात. यांचा आस्वाद आपण घ्यायलाच पाहिजे. चला तर मग जाणून घेऊया मेथी मेथरी (Methi Mathri) बनवण्याची पद्धत

* मेथी मथरी बनवण्याचे साहित्य

• मैदा - 2 कप

• रिफाइंड तेल - 1/4 कप

• पाणी - 1/4 कप

• मेथीचे पान / 1/4 कप

• ओवा - 1/4 कप

• स्वादानुसार मीठ

कृती:

एका मोठ्या बाउलमध्ये मैदा, ओवा, मेथी, आणि मीठ घ्यावे. हे सर्व पदार्थ चांगले हाताने मिक्स करावे. नंतर या मिश्रणात रिफाइंड तेल मिक्स करावे. नंतर पीठ मळण्यासाठी आवश्यकतेनुसार पाणी घ्यावे. यानंतर मऊ कापडाने 20 मिनिटे झाकून ठेवावे. यानंतर छोटे छोटे समान भाग करावे. प्रत्येक भाग एकसारखा गोल आकारात फिरवा आणि नंतर आपल्या हाताच्या तळव्यामध्ये थोडासा सपाट करा. शेवटी कढईमध्ये तेल गरम करायला ठेवावे. एक एक मठरी सोनेरी- तपकिरी होईपर्यंत तळून घ्यावे. तयार आहे तुमची स्वादिष्ट मेथी मठरी याचा आनंद घेण्यासाठी तुम्ही चहा किंवा कॉफीसोबत सर्व्ह करू शकता.